Búgin fýtboldan Qazaqstan kýbogy tórtinshi týry úshinshi oiyn kúninde eki kezdesý aiaqtaldy, dep habarlaidy "Ult aqparat".
Qostanaidyń «Tobyly» syrt alańda Túrkistan oblysynyń «Maqtaral» komandasymen kezdesken edi. Qostanailyq klýb atalǵan kezdesýge negizinen jastar quramyn shyǵardy. Esesine ózderiniń qaqpasyna jaýapsyz tórt gol jiberip aldy. Alań ieleri qatarynan Dramane Kone 31, Evgenii Levin 51, Edige Oralbai 87, Sultanbek Dúiseshov 91-minýttarda mergendik tanytty. Osylaisha «Maqtaral» qarsylasyn 4:0 esebimen jeńdi.
Búgingi taǵy bir kezdesýde «Jetisý» (Taldyqorǵan) men «Kaspii» (Aqtaý) komandalary 0:0 esebine qanaǵat bildirdi.
Eske salsaq, atalǵan týrda 30 shildede «Taraz» «Atyraýdy» 1:0 esebimen jeńdi. Odan keiin 31 shildede Qyzylordanyń «Qaisary» óz alańynda «Aqtóbeden» 1:0, «Turan» (Túrkistan) almatylyq «Qairattan» 4:3 esebimen basym tústi.
Aita ketsek, dál qazir «Aqjaiyq» (Oral) men «Astana» (Nur-Sultan), SDIýSShOR №8 (Nur-Sultan) men «Shahter» (Qaraǵandy) komandalary kezdesýde.
