QR Saýda jáne integratsiia vitse-ministri Qairat Tórebaev Qazaqstan kórshi memleketterge qandai taýarlardy saýdalai alatynyn tizip berdi, dep habarlaidy QazAqparat.
«Máselen, biz Reseige baǵyttalǵan eksportty 80 taýarlyq pozitsiiaǵa deiin arttyra alamyz. Qazaqstandyq naryqtan Reseige metall ónerkásibiniń, himiia ónerkásibiniń taýarlary, azyq-túlikter, ýran men basqa da taýarlar tartymdy. Biz olarǵa 245,6 mln dollardyń taýaryn tasymaldai alamyz. Sol sekildi, Qytaiǵa quny 1,6 mlrd dollarlyq 60 taýar túrin jibererlik áleýet bar. Atap aitqanda, ol jaqqa temir men bolattyń ilemdelgen túrin, jartylai fabrikattar men ýran, kúkirt, bidai, mai ónimderin, konditerlik ónimderdi shyǵara alamyz. Odan bólek, Qytaiǵa bizdiń elden buryn aparylmaǵan oksid, tsement, metaldyń bólek túrleri sekildi taýardyń 30 túrin saýdalaýǵa múmkindik bar», - dedi QR Saýda jáne integratsiia vitse-ministri búgin Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, qazaqstandyq kásipkerler Túrikmenstanǵa quny 123 mln dollarǵa taýardyń 40 túrin, Ózbekstanǵa 210 mln dollarlyq 70 taýar túrin shyǵara alady.
Eske sala ketsek, buǵan deiin Qairat Tórebaev Eýraziialyq ekonomikalyq odaq aiasynda Resei naryǵyna engen otandyq kompaniialar betpe-bet kelgen problemalaryn aitqysy kele bermeitinin málim etken edi.
