Qazaqstan koronavirýstyń taralýy boiynsha «sary» aimaqta tur. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Ministrdiń dereginshe, álemdik reitingke sáikes, Qazaqstan koronavirýspen aýyrý kórsetkishi boiynsha 221 eliniń ishinde 105-orynda, al ólim-jitim boiynsha 106-orynda tur.
«18 mamyrdaǵy derekterge sáikes Qazaqstanda COVID-19-dyń oń nátiijesimen 362 030, teris nátijesimen 54 153 naýqas tirkelgen. Qazaqstan «sary» aimaqta tur. «Qyzyl» aimaqta alty óńir, atap aitqanda Nur-Sultan, Almaty qalalary, Batys Qazaqstan, Aqmola, Qaraǵandy jáne Atyraý oblystary kiredi. «Sary» aimaqta myna 5 óńir tur: Aqtóbe, Almaty, Pavlodar, Qostanai oblystary jáne Shymkent qalasy. Al qalǵan 6 óńir «jasyl» aimaqta», - dedi Aleksei Tsoi.
