2020 jyldyń 3 naýryzynan bastap «Qazaqstannyń aviatsiialyq ákimshiligi» AQ bazasynda koronavirýsqa qatysty jaǵdaidy baqylaýǵa baǵyttalǵan Ahýaldyq ortalyq jumys istei bastady. Ortalyqta Qazaqstanǵa turaqty jáne turaqty emes áýe qatynastary bar elderde infektsiia juqtyrǵan adamdardyń statistikasyna baqylaý júrgiziledi, dep habarlaidy "Ult aqparat" QR IIDM Azamattyq aviatsiia komitetiniń baspasóz qyzmetine silteme jasap.
«Úkimet koronavirýstyń Qazaqstan aýmaǵyna taralýyna jol bermeý úshin sharalar qabyldaýda. 2020 jyldyń 1 naýryzynan bastap karantindik is-sharalar qoldanylatyn elderdiń tizbesiniń keńeiýine bailanysty sol elderden kelgen jolaýshylarǵa 4-shi kúsheitý kezeńi engizildi», - dep habarlaidy komitetten.
Vedomstvo Qazaqstan men Qytai arasyndaǵy barlyq turaqty reis (aptasyna 34 reis) 2020 jyldyń 3 aqpanynan bastap toqtatylǵanyn eske saldy. Sondai-aq 2020 jyldyń 1 naýryzynan bastap Nur-Sultan – Seýl jáne Almaty – Seýl baǵyttary boiynsha turaqty reisterdiń sany aptasyna 9-dan 3 reiske deiin qysqartylǵan. «Eir Astana» áýe kompaniiasynyń Nur-Sultan – Seýl baǵyty aptasyna 2-den 1 reiske deiin, Almaty – Seýl baǵyty boiynsha aptasyna 5-ten 1 reiske deiin jáne «Asiana Airlines» áýe kompaniiasynyń reisi 2-den 1 reiske deiin shektelgen.
««Mahan Air» áýe kompaniiasynyń Almaty – Tegeran baǵyty boiynsha reister 1 naýryzdan bastap (aptasyna 1 reis) toqtatyldy. Sondai-aq, 5 naýryzdan bastap Nur-Cultan – Baký baǵyty toqtatylady. Almaty-Baký reisi 5-ten 1 reiske deiin («Eir Astana» 3-ten reiske 1 deiin, «Azerbaijan Airlines» 2-den 1 reiske deiin), Aqtaý — Baký reisi 7-den 1 reiske deiin (SCAT) shekteledi. «SCAT» áýe kompaniiasynyń Nur-Sultan – Tokio baǵyty 2-den 1 reiske deiin qysqardy», - dep habarlaidy komitetten.
Atalǵan reisterdiń toqtatylýyna bailanysty, 1 naýryzdan bastap joǵaryda kórsetilgen reisterge biletteri bar jolaýshylar áýe biletterdi satyp alý orny boiynsha aiyppulsyz jáne tolyq kólemde qaitara alady.
Jolaýshylar áýe biletterdi qaitarý máselesi boiynsha keńes alý úshin «Qazaqstannyń aviatsiialyq ákimshiligi» AQ-ǵa - 8 (7172) 64 58 41 nómirine habarlasa alady. Jeli jumys kúnderi saǵat 9.00-dan 18.00-ge deiin qyzmet kórsetedi.
