QR Ekologiia, geologiia jáne tabiǵi resýrstar vitse-ministri Ahmetjan Pirimqulov Qazaqstan qashan kómirden tolyq bas tartatyndyǵyn aitty, dep habarlaidy QazAqparat.
«Parij kelisimi mindettemelerin júzege asyrý jáne 2060 jylǵa qarai «nóldik» shyǵaryndylarǵa qol jetkizý úshin Qazaqstannyń kómertekten beitaraptyǵy tujyrymdamasyn ázirleý jumysy aiaqtalady. Qazaqstan shyǵaryndylardyń nóldik balanysyna qol jetkizýi úshin aitarlyqtai ózgerister jasaýy, jańartylatyn energiia kózderin qoldanýyn keńeitýi, energiia tiimdiligin arttyrýy jáne biootyn men sýtekke kóshýi qajet», - dedi vitse-ministr vedomstvonyń keńeitilgen alqa májilisi barysynda.
Onyń atap ótýinshe,tujyrymdama nátijeleri gaz men munai ónimderin tómendetý qajettigin jne 2060 jylǵa qarai kómirden tolyqtai derlik bas tartý qajettigin kórsetti.
«Tujyrymdama biyl Glazgoda ótetin Klimat jónindegi taraptardyń 26-konferentsiiasynda usynylatyn bolady», - dedi Ahmetjan Pirimqulov.
