Qazaqstan qoǵamynyń qurylymy túbegeili ózgerdi. Bul týraly QR Parlamenti Senatynyń Tóraǵasy Máýlen Áshimbaev aitty, dep habarlaidy QazAqparat.
«Ótken 30 jyldyń ishinde Qazaqstan kóptegen salada zor tabystarǵa qol jetkizdi. Memlekettiligimizdi qurý men nyǵaitý úshin óte kóp dúnie jasaldy. Búginde osy jyldardyń ishinde Qazaqstan egemen memleket retinde qalyptasty dep tolyqtai senimmen aita alamyz», - dedi Senat spikeri Qazaqstan áleýmettanýshylarynyń VII kongresinde.
Onyń aitýynsha memlekettik basqarý júiesinde, ekonomikalyq, áleýmettik, saiasi jáne mádeni-gýmanitarlyq salalarda da baiypty ózgerister bolady.
«Óziniń turaqtylyǵy men tiimdiligin kórsetken syrtqy jáne ishki saiasat modeli qalyptasty. Buǵan qosa, qoǵamnyń ózinde de sapaly transformatsiia oryn aldy. Reformalar paradigmaly áleýmettik ózgeristerge sep boldy. Qazaqstan qoǵamynyń qurylymy túbegeili ózgerdi», - dedi Máýlen Áshimbaev.
