Qazaqstan halyqaralyq aviareister sanyn arttyrdy. Bul týraly QR Indýstriia jáne infraqurylymdyq damý ministrliginen málim etti, dep habarlaidy "Ult aqparat".
Qazaqstan Respýblikasynyń aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiianyń 2021 jylǵy 6 mamyrdaǵy sheshimine sáikes, Chernogoriia, Birikken Arab Ámirlikteri (BAÁ), Qyrǵyzstan, Ózbekstan jáne Niderlandy baǵyttary boiynsha turaqty halyqaralyq áýe reisterin kelesi baǵyttar boiynsha ashýǵa jáne ulǵaitýǵa ruqsat etildi:
1. Chernogoriia:
- 2021 jylǵy 15 mamyrdan bastap Qazaqstan tarapy úshin aptasyna 5 reispen Almaty – Podgoritsa – Almaty, sondai-aq Qazaqstan tarapy úshin aptasyna 3 reispen Nur-Sultan – Podgoritsa – Nur-Sultan baǵyttary boiynsha jolaýshylar reisteri ashylady.
2. BAÁ:
- 2021 jylǵy 10 mamyrdan bastap Almaty – Dýbai – Almaty baǵytynda turaqty reister sanyn ár tarap úshin aptasyna 5-ten 7 reiske deiin jáne Nur-Sultan - Dýbai - Nur-Sultan baǵytynda ár tarap úshin aptasyna 3-ten 5 reiske deiin ulǵaitylady.
3. Qyrǵyzstan:
- 2021 jylǵy 15 mamyrdan bastap Qazaqstan tarapy úshin aptasyna 7 reispen Almaty – Tamshy – Almaty baǵytynda jolaýshylar reisteri ashylady.
4. Ózbekstan:
– 2021 jylǵy 15 mamyrdan bastap ár tarap úshin aptasyna 2 reispen Almaty - Samarqan - Almaty baǵytynda jolaýshylar reisteri ashylady.
Sonymen qatar, 2021 jylǵy 20 mamyrdan bastap «Eir Astana» AQ-nyń Atyraý – Frankfýrt – Atyraý baǵytyndaǵy reisterin kezeń-kezeńmen Atyraý - Amsterdam - Atyraý baǵytyndaǵy reisterge aýystyrýyna ruqsat etildi. Basynda 1 reispen, ári qarai Niderland tarapynan shekteýlerdiń alynyp tastalýyna qarai 2 reiske deiin arttyrý kózdeledi.
Reister sanitarlyq-epidemiologiialyq talaptardy qatań saqtai otyryp jáne áýe kompaniialarynyń saittarynda jariialanǵan kestege sáikes oryndalady.
