Búgin Qazaqstan Halyq partiiasynyń uiymdastyrýymen baspasóz máslihaty ótti. Onda partiia tóraǵasy qoǵamdyq uiymnyń jumysy men «URANkz» respýblikalyq qoǵamdyq birlestigimen áriptestigi týraly áńgimeledi, dep habarlaidy QazAqparat.
«Biz jýyrda ataýymyzdy ózgerttik. Endigi ýaqytta Qazaqstannyń Halyq partiiasy dep atalady. Degenmen biz óz ideologiiamyzdan aýytqyǵan joqpyz. Biz tek bolashaq baǵyt-baǵdarymyzdy qaita qarap, ózgerttik. Taǵy bir jańashyldyq URANkz respýblikalyq qoǵamdyq birlestigimen ózara qyzmet etip jatyrmyz», - dedi Qazaqstan Halyq partiiasynyń tóraǵasy Aiqyn Qońyrov elordada ótken baspasóz máslihatynda.
Sondai-aq, atalǵan is-sharada URANkz respýblikalyq qoǵamdyq birlestiginiń «Qyzyl avtobýs» aktsiiasynyń qyzmeti sóz boldy. «Qyzyl avtobýs» aktsiiasy aiasynda onyń ókilderi SQO, Atyraý jáne Aqtóbe oblysynda bolǵandyǵyn aitty. Onda ókilder «Eńbek» baǵdarlamasy aiasynda SQO-da salynǵan turǵyn úilerdiń jaǵdaiymen tanysqan. Sonymen qatar, sol oblystaǵy Stanovoe aýylynda, Aqtóbe oblysynyń Qarǵaly aýylynda bolyp, áleýmettik máselelerimen tanysqan
