2021 jylǵy 1 aqpanǵa elimizdegi halyq sany 18 897,9 myń adamdy qurady. Bul týraly Ulttyq statistika biýrosy habarlady.
Onyń ishinde qalalyqtar – 11 169,7 myń (59,1%), aýyldyqtar – 7 728,2 myń adam (40,9%). 2020 jylǵy 1 aqpanmen salystyrǵanda halyq sany 244,4 myń adamǵa nemese 1,3% ósti.
Halyqtyń tabiǵi ósý kórsetkishi
2021 jylǵy qańtarda respýblika halqynyń tabiǵi ósimi 2020 jylǵy qańtarmen salystyrǵanda 821 adamǵa nemese 3,6% kemip, 216,8 myń adamdy qurady. Tabiǵi ósimniń jalpy koeffitsienti 1000 adamǵa shaqqanda 13,44 adamdy qurady.
AHAT organdary usynǵan azamattyq hal aktileri jazbalaryndaǵy málimetterdi óńdeý nátijesinde, 2021 jylǵy qańtarda týylǵandar sany 34,2 myń adamdy qurady, bul 2020 jylǵy qańtarǵa qaraǵanda 0,6% az. Týýdyń jalpy koeffitsienti 1000 adamǵa 21,17 týylǵandardy qurady.
Qarastyrylyp otyrǵan kezeńde qaitys bolǵandar sany 12,5 myń adamdy qurady, bul 2020 jylǵy qańtarǵa qaraǵanda 5,1% kóp. Ólim-jitimniń jalpy koeffitsienti 1000 adamǵa 7,73 qaitys bolǵandardy qurady.
2021jylǵy qańtarda respýblikada 1 jasqa deiin shetinegen 241 (2020 jylǵy qańtarda–306) náreste tirkeldi. 2020 jylǵy tiisti kezeńmen salystyrǵanda 1 jasqa deiin shetinegen náresteler sany 21,2% azaidy. 2021jylǵy qańtarda náreste ólim-jitiminiń koeffitsienti 1000 týǵandarǵa shaqqanda 7,06 (8,90) oqiǵany qurady.
Halyqtyń kóshi-qony
Kóshi-qon qyzmeti organdary usynǵan málimetterdi óńdeý nátijesinde, 2021 jylǵy qańtarda elimizge turǵylyqty turýǵa kelgenderdiń tirkelý sany 2020 jylǵy sáikes kezeńmen salystyrǵanda 57,8% azaiyp, 79 290 adamdy qurady. Elimizden ketkenderdiń tirkelý sany 43% azaiyp, 80 199 adamdy, kóshi-qonnyń aiyrymy -909 adamdy qurady.
Elimizdegi negizgi kóshi-qon almasýy TMD memleketterimen ótýde. TMD elderinen kelgenderdiń jáne sol elderge ketkenderdiń úlesi 81,9% jáne tiisinshe 84,8% qurady.
El ishinde qonys aýdaratyn kóship-qonýshylar sany 19,1%-ǵa kemidi. Óńiraralyq qonys aýdarý boiynsha halyq kóshi-qonynyń oń aiyrymy elimizdiń 4 óńirinde baiqaldy: Mańǵystaý (90 adam) oblysynda jáne Nur-Sultan (2 202 adam), Almaty (3 223 adam) jáne Shymkent (3 060 adam) qalalarynda.
