2021 جىلعى 1 اقپانعا ەلٸمٸزدەگٸ حالىق سانى 18 897,9 مىڭ ادامدى قۇرادى. بۇل تۋرالى ۇلتتىق ستاتيستيكا بيۋروسى حابارلادى.
ونىڭ ٸشٸندە قالالىقتار – 11 169,7 مىڭ (59,1%), اۋىلدىقتار – 7 728,2 مىڭ ادام (40,9%). 2020 جىلعى 1 اقپانمەن سالىستىرعاندا حالىق سانى 244,4 مىڭ ادامعا نەمەسە 1,3% ٶستٸ.
حالىقتىڭ تابيعي ٶسۋ كٶرسەتكٸشٸ
2021 جىلعى قاڭتاردا رەسپۋبليكا حالقىنىڭ تابيعي ٶسٸمٸ 2020 جىلعى قاڭتارمەن سالىستىرعاندا 821 ادامعا نەمەسە 3,6% كەمٸپ, 216,8 مىڭ ادامدى قۇرادى. تابيعي ٶسٸمنٸڭ جالپى كوەففيتسيەنتٸ 1000 ادامعا شاققاندا 13,44 ادامدى قۇرادى.
احات ورگاندارى ۇسىنعان ازاماتتىق حال اكتٸلەرٸ جازبالارىنداعى مەلٸمەتتەردٸ ٶڭدەۋ نەتيجەسٸندە, 2021 جىلعى قاڭتاردا تۋىلعاندار سانى 34,2 مىڭ ادامدى قۇرادى, بۇل 2020 جىلعى قاڭتارعا قاراعاندا 0,6% از. تۋۋدىڭ جالپى كوەففيتسيەنتٸ 1000 ادامعا 21,17 تۋىلعانداردى قۇرادى.
قاراستىرىلىپ وتىرعان كەزەڭدە قايتىس بولعاندار سانى 12,5 مىڭ ادامدى قۇرادى, بۇل 2020 جىلعى قاڭتارعا قاراعاندا 5,1% كٶپ. ٶلٸم-جٸتٸمنٸڭ جالپى كوەففيتسيەنتٸ 1000 ادامعا 7,73 قايتىس بولعانداردى قۇرادى.
2021جىلعى قاڭتاردا رەسپۋبليكادا 1 جاسقا دەيٸن شەتٸنەگەن 241 (2020 جىلعى قاڭتاردا–306) نەرەستە تٸركەلدٸ. 2020 جىلعى تيٸستٸ كەزەڭمەن سالىستىرعاندا 1 جاسقا دەيٸن شەتٸنەگەن نەرەستەلەر سانى 21,2% ازايدى. 2021جىلعى قاڭتاردا نەرەستە ٶلٸم-جٸتٸمٸنٸڭ كوەففيتسيەنتٸ 1000 تۋعاندارعا شاققاندا 7,06 (8,90) وقيعانى قۇرادى.
حالىقتىڭ كٶشٸ-قونى
كٶشٸ-قون قىزمەتٸ ورگاندارى ۇسىنعان مەلٸمەتتەردٸ ٶڭدەۋ نەتيجەسٸندە, 2021 جىلعى قاڭتاردا ەلٸمٸزگە تۇرعىلىقتى تۇرۋعا كەلگەندەردٸڭ تٸركەلۋ سانى 2020 جىلعى سەيكەس كەزەڭمەن سالىستىرعاندا 57,8% ازايىپ, 79 290 ادامدى قۇرادى. ەلٸمٸزدەن كەتكەندەردٸڭ تٸركەلۋ سانى 43% ازايىپ, 80 199 ادامدى, كٶشٸ-قوننىڭ ايىرىمى -909 ادامدى قۇرادى.
ەلٸمٸزدەگٸ نەگٸزگٸ كٶشٸ-قون الماسۋى تمد مەملەكەتتەرٸمەن ٶتۋدە. تمد ەلدەرٸنەن كەلگەندەردٸڭ جەنە سول ەلدەرگە كەتكەندەردٸڭ ٷلەسٸ 81,9% جەنە تيٸسٸنشە 84,8% قۇرادى.
ەل ٸشٸندە قونىس اۋداراتىن كٶشٸپ-قونۋشىلار سانى 19,1%-عا كەمٸدٸ. ٶڭٸرارالىق قونىس اۋدارۋ بويىنشا حالىق كٶشٸ-قونىنىڭ وڭ ايىرىمى ەلٸمٸزدٸڭ 4 ٶڭٸرٸندە بايقالدى: ماڭعىستاۋ (90 ادام) وبلىسىندا جەنە نۇر-سۇلتان (2 202 ادام), الماتى (3 223 ادام) جەنە شىمكەنت (3 060 ادام) قالالارىندا.
