Qazaqstan halqynyń sany bir jylda 234 myń adamǵa kóbeidi. Bul týraly Ulttyq ekonomika ministrligine qarasty statistika komitetinen málim etti, dep habarlaidy "Ult aqparat".
«2019 jylǵy 1 jeltoqsanda elimizdegi halyq sany 18 mln 611,1 myń adam boldy. Onyń ishinde qalalyqtar – 10 mln 875,7 myń (58,4%), aýyldyqtar – 7 mln 735,4 myń adam (41,6%)» delingen vedomstvo aqparatynda.
Taratylǵan málimetke sáikes, 2018 jylǵy 1 jeltoqsanmen salystyrǵanda halyq sany 234,9 myń adamǵa nemese 1,3 paiyzǵa ósken. Qarastyrylǵan kezeńde eń kóp jalpy ósim elimizdiń 3 óńirinde, atap aitqanda Nur-Sultan (61,7 myń adam), Almaty qalalarynda (57,8 myń adam) jáne Túrkistan oblysynda (38,4 myń adam) tirkeldi.
