2021 jylǵy 1 sáýirdegi málimet boiynsha, Qazaqstandaǵy halyq sany 18 mln 940 myń 400 adamdy qurady. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
Onyń ishinde qala turǵyndary – 11 mln 204 myń 800 (59,2%), aýyl turǵyndary –7 mln 735 myń 600 myń adamdy (40,8%) quraidy. 2020 jylǵy 1 sáýirmen salystyrǵanda halyq sany 250,2 myńǵa nemese 1,3% artty.
2021 jylǵy qańtar-naýryzda respýblika halqynyń tabiǵi ósimi 2020 jylǵy qańtar-naýryzben salystyrǵanda (61,5 myń adam) 4,6% ósip, 64,3 myń adamdy qurady. Tabiǵi ósimniń jalpy koeffitsienti 1000 adamǵa shaqqanda - 13,73 adam.
Biylǵy qańtar-naýryzda elimizde 36,1 myń qaitys boldy adam. Bul, bul 2020 jylǵy qańtar-naýryzǵa (31,2 myń adam) qaraǵanda 15,8% kóp. Ólim-jitimniń jalpy koeffitsienti 1000 adamǵa 7,71 qaitys bolǵandardy qurady.
Qańtar-naýryz aralyǵynda 1 jasqa deiin shetinegen 815 náreste tirkelip, 2020 jylǵy tiisti kezeńmen salystyrǵanda (796 shetinegen náreste) 2,4% artty. Náreste ólim-jitiminiń koeffitsienti 1000 týǵandarǵa shaqqanda 8,11 oqiǵany qurady.
