Biylǵy 1 qazandaǵy málimet boiynsha, Qazaqstanda halyq sany 18 mln 809 myń 200 adamdy qurady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynyń aqparatyna sáikes, 18 mln 809 myń 200 adamnyń ishinde:
- 11 mln 87 myń 500-y nemese 58,9% - qala turǵyndary;
- 7 mln 721 myń 700-i nemese 41,1% - aýyl turǵyndary;
- 9 mln 124 myń 600-i nemese 48,5% - er adamdar;
- 9 mln 684 myń 600-i nemese 51,5% - áiel adamdar.
2019 jylǵy 1 qazanmen salystyrǵanda halyq sany 238,9 myń adamǵa nemese 1,3% ósti.
Qarastyrylyp otyrǵan kezeńde eń kóp ósim elimizdiń 3 óńirinde: Almaty (63,9 myń adam), Nur-Sultan (49,5 myń adam) jáne Shymkent (32,8 myń adam) qalalarynda tirkeldi.
