"Qazaqstan halqyna" qorynyń Qamqorshylyq keńesi tóraǵasy aýysty, - dep habarlaidy "Ult aqparat" qor saityna silteme jasap.
"Qordyń Qamqorshylyq keńesi tóraǵasy Pia Iýrii Vladimirovich Qamqorshylyq keńestiń jumys kóleminiń joǵary bolýyna bailanysty tóraǵanyń ókiletin merziminen buryn toqtatý týraly ótinish bildirdi.
Ol University Medical Center korporativtik qoryn basqarady. Iýrii Vladimirovich - Qazaqstannyń Eńbek Eri, eń kúrdeli, joǵary tehnologiialyq kardiohirýrgiialyq operatsiialarǵa jetekshilik etip, júrgizip júrgen tanymal kardiohirýrg. Bul qyzmet kún saiynǵy tynymsyz eńbekti jáne joǵary talaptarǵa sai tájiribeni talap etedi. Iýrii Vladimirovich kóp ýaqytyn bilikti mamandardy daiarlaý maqsatyna baǵyttaidy" - delingen habarlamada.
Qor málimetinshe, Iýrii Vladimirovich Qamqorshylyq keńes quramynda qala otyryp, strategiialyq maqsattar men mindetterdi júzege asyrýda qoldaý kórsetýdi jalǵastyrady.
Qordyń Qamqorshylyq keńesi tóraǵasy bolyp qoǵam qairatkeri, "Atameken" UKP Kásipkerler quqyǵyn qorǵaý jáne sybailas jemqorlyqqa qarsy is-qimyl jónindegi keńestiń tóraǵasy Qaiyrbek Shoshanuly Súleimenov sailandy.
Qamqorshylyq keńes tóraǵasynyń orynbasary bolyp dáriger, meditsina ǵylymdarynyń kandidaty, Qazaqstan densaýlyq saqtaý isiniń úzdigi Amanjolova Záýresh Jumanáliqyzy sailandy.
Eske salaiyq, qańtarda Prezident Qasym-Jomart Toqaev áleýmettik saladaǵy, densaýlyq saqtaý, bilim berý, mádeniet jáne sport salalaryndaǵy máselelerdi sheshý úshin "Qazaqstan halqyna" qoryn qurýdy tapsyrǵan bolatyn.
