Nur-Sultan qalasynda elimizdegi ártúrli etnos ókilderiniń jastar jobasyn qoldaý maqsatynda «Kóshbasshy bol!» atty respýblikalyq forým ótti. Qazaqstan halqy Assambleiasy uiymdastyrǵan sharaǵa QHA orynbasary Z.Kýziev, Qazaqstan Respýblikasy Parlamenti Májilisiniń depýtaty V.Nabiev, Aqparat jáne qoǵamdyq damý ministrligi Etnosaralyq qatynastardy damytý komitetiniń jáne QHA «Jańǵyrý joly» respýblikalyq jastar qozǵalysynyń ókilderi, jastar uiymdarynyń belsendileri, halyqaralyq jattyqtyrýshylar men jastar saiasaty salasyndaǵy sarapshylar, eriktiler jáne t.b. qatysty, - dep habarlaidy «Ult aqparat».
Atalǵan sharaǵa arnaiy qatysqan «Qazaqstan stýdentteri aliansy» respýblikalyq stýdentter qozǵalysynyń prezidenti, «Daryn» memlekettik jastar syilyǵynyń laýreaty Iliias Tústikbaevelimizdegi bilim berý salasynda bolyp jatqan jańa ózgeristerge toqtalyp ótti.
«Qazir bilim salasynda aitarlyqtai jańashyldyqtar bolyp jatyr. Bizdiń uiym oblystyq, óńirlik jastarmen, stýdenttermen jáne oqý oryndarymen birige otyryp, kóp is atqardy. Bul jumystarǵa Qazaqstan halqy Assambleiasynyń jáne «Jańǵyrý joly» jastar uiymynyń músheleri de ózindik úlesin qosyp keledi. Búgin ótip jatqan «Kóshbasshy bol!» forýmynyń jastar men stýdentterge bereri kóp. Stýdentterimiz ben jastarymyzdyń múddelerin qorǵap, solardy tolǵandyratyn máselelerdi sheshe alsaq biz naǵyz kóshbasshymyz dep esepteimin», – dedi Ilias Tústikbaev.
Sonymen qatar, onlain bailanys arqyly Qazaqstan halqy Assambleiasy tóraǵasynyń orynbasary Zakirjan Kýziev «Jańǵyrý joly» jastar qozǵalysynyń qurylǵanyna úsh jyl tolýymen quttyqtyqtasa, Nazarbaev University túlekter qaýymdastyǵynyń atqarýshy direktory Arman Konkobai jastardyń pandemiia kezinde kórsetken túrli baǵyttaǵy kómekteri jóninde prezentatsiia júrgizdi. Ol onlain bilim alýǵa bailanysty túlekter men stýdentterdiń atqaraǵan jumystaryn erekshe atap ótti.
«Ótken jylǵy jáne biylǵy oqý jyly barlyq bilim alýshylar úshin de oǵai bolǵan joq. Qashyqtan oqyp, onlain bilim alýda bilim alýshylar da, bilim berýshiler de belsendi jumystar atqardy. Sol úshin de barlyǵyna túsinistikpen qarap, bilim salasynyń birqalypty saqtaýǵa qosqan úlesi úshin alǵysymyzdy bildiremiz. Stýdentter onlain oqyp qana qoimai, túrli jumystarmen, ǵylymmen, izdenýmen ainalysty. Onyń alǵashqy nátijelerin de kórip úlgerdik. Aldaǵy ýaqytta da biz bilim salasynyń jetistikterin jasai beretinimizge senimdimin», - dedi Nazarbaev University túlekter qaýymdastyǵynyń atqarýshy direktory Arman Konkobai.
Is-shara sońynda Qostanai oblysy QHA janyndaǵy volonterler ortalyǵynyń tóraiymy Anastasiia Pýshkareva «Qoǵamdyq tárbie institýttarynyń kúshin shoǵyrlandyrý» taqyrybynda óz pikirin bildirdi.
«Elimizdegi pandemiia kezinde volonterlerdiń de jqmysy qyza túskenin bárimiz kórdik. Osy orai elimizdegi eriktiler belsendi jumys istedi. Ásirese QHA janyndaǵy volonterler ortalyǵynyń jastary asa belsendilik tanytty dep oilaimyn. Jasy úlkenderge onlain qyzmet alý, qarttarǵa kómektesý, oqýshylarǵa onlain bilim berýde kómek berý, dári-dámek tasý siiaqty igi isterdi atqardy. Qazaqstanyń belgili aqyny Maǵjan Jumabaev aitqandai, «men jastarǵa senemin!», - dedi QHA janyndaǵy volonterler ortalyǵynyń tóraiymy Anastasiia Pýshkareva.
Sondai-aq,kezdesý barysynda jastardyń áleýetin iske asyrýǵa jáne damytýǵa jaǵdai jasaý jáne onyń básekege qabilettilik deńgeiin arttyrý, jastar kóshbasshylary arasyndaǵy mádenietaralyq dialogty qalyptastyrý, QHA «Jańǵyrý joly» RJQ qyzmetin imidjdik ilgeriletý týraly usynystar da aityldy. Halyqaralyq dostyq mektebiniń músheleri «My – rossiiane» jastar assambleiasy» jalpyreseilik qoǵamdyq qozǵalysynyń Omby aimaqtyq bólimshesiniń tóraǵasy Ermek Hapizov pen «Jobalyq damý qaýymdastyǵy» óńiraralyq avtonomdy kommertsiialyq uiymynyń damý jónindegi direktory, halyqaralyq trener Janna Tashmetova onlain bailanys arqyly óz pikirlerin bildirdi.
Aita keteiik, onlain jáne oflain formatta ótken jiyndy QHA janyndaǵy «Jarasym» respýblikalyq jastar uiymynyń tóraǵasy Timýr Jumyrbaev júrgizdi.
Esterińizge salaiyq, Nur-Sultan qalasynda elimizdegi ártúrli etnos ókilderiniń jastar jobasyn qoldaý maqsatynda «Kóshbasshy bol!» atty respýblikalyq forým ótti. Qazaqstan halqy Assambleiasy uiymdastyrǵan sharaǵa QHA orynbasary Z.Kýziev, Qazaqstan Respýblikasy Parlamenti Májilisiniń depýtaty V.Nabiev, Aqparat jáne qoǵamdyq damý ministrligi Etnosaralyq qatynastardy damytý komitetiniń jáne QHA «Jańǵyrý joly» respýblikalyq jastar qozǵalysynyń ókilderi, jastar uiymdarynyń belsendileri, halyqaralyq jattyqtyrýshylar men jastar saiasaty salasyndaǵy sarapshylar, eriktiler jáne t.b. qatysty.
