Osydan tórt jyl buryn qurylǵan «Jańǵyrý joly» respýblikalyq jastar qozǵalysy Qostanai oblysynyń jastar resýrstyq ortalyǵymen jáne «Nur Otan» partiiasynyń janyndaǵy «Jas Otan» JQ oblystyq filialymen yntymaqtastyq týraly memorandým bekitti, - dep habarlaidy «Ult aqparat».
Jastar resýrstyq ortalyǵynyń direktory Abai Dúisekovtyń aitýynsha, jastarmen jasalǵan yntymaqtastyq biraz sharýanyń ymyramen bitýine kepil bolatynyn tilge tiek etti.
«Qazaqstan halqy Assambleiasynyń jastarymen ornatylǵan yntymaqtastyq biz úshin jemisti jumystarǵa bastaityn negizgi joldardyń biri. Memleketimizdiń basym bóligin jastar quraitynyn, jáne olardyń úlken kúsh ekenin eskersek, kez kelgen salada, kez kelgen ýaqytta jastardyń yntymaq-birligi qajet ekeni daýsyz. Buǵan deiin atqarylyp jatqan qoǵamdyq jumystar jalǵasyn taýyp, qaiyrymdylyq sharalar igi bastama bola bermek», - dedi Jastar resýrstyq ortalyǵynyń direktory Abai Dúisekov.
Buǵan deiin aitqanymyzdai, «Qoǵamdyq kelisim» KMM janynan qurylǵan «Jańǵyrý joly» jastar qozǵalysynyń óńirlik shtaby qoǵamdyq jumystarmen jáne qaiyrymdylyqpen ainalysady.
«Bul qujattar óńirdegi jastar uiymdarynyń qatysýymen etnosaralyq qatynastar salasyndaǵy birlik pen kelisimdi saqtaýǵa baǵyttalǵan birlesken áleýmettik jobalardy iske asyrýǵa múmkindik beredi», - deidi Qostanai oblysynyń «Jańǵyrý joly» jastar qozǵalysynyń tóraǵasy Rýslan Myrzaǵaliev.
Qujattarǵa qoltańba qoiylǵannan keiin Jastar resýrstyq ortalyǵynyń direktory Abai Dúisekov pen «Nur Otan» partiiasynyń janyndaǵy «Jas Otan» JQ Qostanai oblystyq filialynyń tóraǵasy Abai Júsipov oblystyq Qazaqstan halqy Assambleiasynyń jastarymen ornatylǵan yntymaqtastyqtyń jemisti bolatyndyǵyna senim bildirdi.
«Bul bastama bárimiz úshin qolaily bolyp otyr. Qazaqstan halqy Assambleiasynyń jastary memleket tarapynan bolǵan kez kelgen sheshimdi, kez kelgen saiasi qadamdardy qoldaýǵa úlken kúsh beretini daýsyz. Qostanai oblysynyń turǵyndarynyń da basym bóligi jastar ekeni belgili. Jastarmen jumys isteý, óńirdegi jumyssyzdyqty joiyp qana qoimai, jastardyń barlyq múmkindikterin paidalana otyryp, sátti ideialardy júzege asyrý múmkindigi dep bilemin», - dedi «Nur Otan» partiiasynyń janyndaǵy «Jas Otan» JQ Qostanai oblystyq filialynyń tóraǵasy Abai Júsipov.
Esterińizge sala keteiik, «Jańǵyrý joly» respýblikalyq jastar qozǵalysy Qostanai oblysynyń jastar resýrstyq ortalyǵymen jáne «Nur Otan» partiiasynyń janyndaǵy «Jas Otan» JQ oblystyq filialymen yntymaqtastyq týraly memorandým bekitti. Qostanai oblysynyń «Jańǵyrý joly» jastar qozǵalysynyń tóraǵasy Rýslan Myrzaǵalievtiń aitýynsha, bul qujattar óńirdegi jastar uiymdarynyń qatysýymen etnosaralyq qatynastar salasyndaǵy birlik pen kelisimdi saqtaýǵa baǵyttalǵan birlesken áleýmettik jobalardy iske asyrýǵa múmkindik beredi.
