Qazaqstan halqy Assambleiasy tóraǵasynyń orynbasary Zákirjan Kýziev uiymnyń qaiyrymdylyq jumystary týraly aityp berdi, dep habarlaidy QazAqparat.
«Qazaqstan halqy Assambleiasy men qaiyrymdylyq – ajyramas uǵymdarǵa ainaldy. Ózara kómek, járdem, yntymaqtastyq bizdi birtutas halyq etedi. Birligimizdiń tarihynda Qyzylaǵash, Arys, Maqtaaral oqiǵalary este qaldy. Sol kezde zardap shekken qazaqstandyqtarǵa tutas el kómek kórsetti. Assambleia alǵashqylardyń qatarynda boldy. 2020 jyly Assambleianyń qaiyrymdy músheleri Prezident Qasym-Jomart Toqaevtyń úndeýine ún qosyp, «Biz birgemiz» aktsiiasyna qatysty. Eriktiler men qaiyrymdylyq kórsetýshiler 1 mlrd 776 mln teńge jinap berdi. Muqtaj azamattarǵa 1 mlrd 339 mln teńgege túrli kómek kórsetildi. Aýrýhanalarǵa 151 mln teńgege dári-dármekter men ókpeni jasandy jeldetý apparattary satyp alyndy», - dedi spiker Táýelsizdiktiń 30 jyldyǵy men Alǵys aitý kúniniń 5 jyldyǵyna arnalǵan dóńgelek ústelde.
Assambleia Túrkistan oblysynda sý tasqynynan zardap shekkenderge 335 tonna gýmanitarlyq kómek jibergen. Qurban ait kúnderi «Myń alǵys» qaiyrymdylyq aktsiiasy meditsina qyzmetkerleri men olardyń otbasylaryna jalpy somasy 77 mln teńgeden astam kómek kórsetken. «Mektepke jol» aktsiiasy 8 700 otbasyna noýtbýk syilaǵan.
