قازاقستان حالقى اسسامبلەياسى تٶراعاسىنىڭ ورىنباسارى زەكٸرجان كۋزيەۆ ۇيىمنىڭ قايىرىمدىلىق جۇمىستارى تۋرالى ايتىپ بەردٸ, دەپ حابارلايدى قازاقپارات.
«قازاقستان حالقى اسسامبلەياسى مەن قايىرىمدىلىق – اجىراماس ۇعىمدارعا اينالدى. ٶزارا كٶمەك, جەردەم, ىنتىماقتاستىق بٸزدٸ بٸرتۇتاس حالىق ەتەدٸ. بٸرلٸگٸمٸزدٸڭ تاريحىندا قىزىلاعاش, ارىس, ماقتاارال وقيعالارى ەستە قالدى. سول كەزدە زارداپ شەككەن قازاقستاندىقتارعا تۇتاس ەل كٶمەك كٶرسەتتٸ. اسسامبلەيا العاشقىلاردىڭ قاتارىندا بولدى. 2020 جىلى اسسامبلەيانىڭ قايىرىمدى مٷشەلەرٸ پرەزيدەنت قاسىم-جومارت توقاەۆتىڭ ٷندەۋٸنە ٷن قوسىپ, «بٸز بٸرگەمٸز» اكتسيياسىنا قاتىستى. ەرٸكتٸلەر مەن قايىرىمدىلىق كٶرسەتۋشٸلەر 1 ملرد 776 ملن تەڭگە جيناپ بەردٸ. مۇقتاج ازاماتتارعا 1 ملرد 339 ملن تەڭگەگە تٷرلٸ كٶمەك كٶرسەتٸلدٸ. اۋرۋحانالارعا 151 ملن تەڭگەگە دەرٸ-دەرمەكتەر مەن ٶكپەنٸ جاساندى جەلدەتۋ اپپاراتتارى ساتىپ الىندى», - دەدٸ سپيكەر تەۋەلسٸزدٸكتٸڭ 30 جىلدىعى مەن العىس ايتۋ كٷنٸنٸڭ 5 جىلدىعىنا ارنالعان دٶڭگەلەك ٷستەلدە.
اسسامبلەيا تٷركٸستان وبلىسىندا سۋ تاسقىنىنان زارداپ شەككەندەرگە 335 توننا گۋمانيتارلىق كٶمەك جٸبەرگەن. قۇربان ايت كٷندەرٸ «مىڭ العىس» قايىرىمدىلىق اكتسيياسى مەديتسينا قىزمەتكەرلەرٸ مەن ولاردىڭ وتباسىلارىنا جالپى سوماسى 77 ملن تەڭگەدەن استام كٶمەك كٶرسەتكەن. «مەكتەپكە جول» اكتسيياسى 8 700 وتباسىنا نوۋتبۋك سىيلاعان.
