Qazaqstanda el halqynyń sany 2018 jyldyń 1 qarashasynda 18 mln 256,9 myń adamǵa jetip, 2017 jyldyń 1 qarashasymen salystyrǵanda 239,2 myń adamǵa nemese 1,3 paiyzǵa kóbeidi, dep habarlaidy "Ult aqparat" QR UEM Statistika komitetine silteme jasap.
Atap aitqanda, esepti kezeńde qala halqynyń sany 10 mln 312,8 myń adamdy nemese jalpy halyq sanynyń 57,8 paiyzyn, al aýyl halqy 7 mln 744 myń adamdy nemese 42,2 paiyzdy quraǵan.
Aǵymdaǵy jyldyń qańtar-qazanynda respýblikada 1 jasqa tolmaǵan 2610 sábi shetinegen. 2017 jyldyń osyndai kezeńimen salystyrǵanda 1 jasqa tolmaǵan balalardyń shetineýi 1,3 paiyzdy quraǵan. 2018 jyldyń on aiynda 1000 sábige shaqqanda shetineý kórsetkishi 7,81 oqiǵany quraidy.
2018 jyldyń qańtar-qazanynda ótken jyldyń dál osyndai kezeńimen salystyrǵanda Qazaqstanǵa kelýshilerdiń sany 22,6 paiyzǵa qysqaryp, el aýmaǵynan ketkender sany 12,2 paiyzǵa artqan. Eldiń negizgi kóshi-qon ainalymy TMD memleketterin qamtidy. TMD elderinen kelgen jáne osy elderge ketkenderdiń úlesi 78,4 jáne sáikesinshe 90,6 paiyzdy qurady. Óńiraralyq kóshi-qonda elimizdiń úsh óńirinde oń saldo qalyptasyp otyr. Olar: Shymkent (39556 adam), Almaty Almaty (29 496) jáne Astana (15 189) qalalary.
