قازاقستاندا ەل حالقىنىڭ سانى 2018 جىلدىڭ 1 قاراشاسىندا 18 ملن 256,9 مىڭ ادامعا جەتٸپ, 2017 جىلدىڭ 1 قاراشاسىمەن سالىستىرعاندا 239,2 مىڭ ادامعا نەمەسە 1,3 پايىزعا كٶبەيدٸ, دەپ حابارلايدى "ۇلت اقپارات" قر ۇەم ستاتيستيكا كوميتەتٸنە سٸلتەمە جاساپ.
اتاپ ايتقاندا, ەسەپتٸ كەزەڭدە قالا حالقىنىڭ سانى 10 ملن 312,8 مىڭ ادامدى نەمەسە جالپى حالىق سانىنىڭ 57,8 پايىزىن, ال اۋىل حالقى 7 ملن 744 مىڭ ادامدى نەمەسە 42,2 پايىزدى قۇراعان.
اعىمداعى جىلدىڭ قاڭتار-قازانىندا رەسپۋبليكادا 1 جاسقا تولماعان 2610 سەبي شەتٸنەگەن. 2017 جىلدىڭ وسىنداي كەزەڭٸمەن سالىستىرعاندا 1 جاسقا تولماعان بالالاردىڭ شەتٸنەۋٸ 1,3 پايىزدى قۇراعان. 2018 جىلدىڭ ون ايىندا 1000 سەبيگە شاققاندا شەتٸنەۋ كٶرسەتكٸشٸ 7,81 وقيعانى قۇرايدى.
2018 جىلدىڭ قاڭتار-قازانىندا ٶتكەن جىلدىڭ دەل وسىنداي كەزەڭٸمەن سالىستىرعاندا قازاقستانعا كەلۋشٸلەردٸڭ سانى 22,6 پايىزعا قىسقارىپ, ەل اۋماعىنان كەتكەندەر سانى 12,2 پايىزعا ارتقان. ەلدٸڭ نەگٸزگٸ كٶشٸ-قون اينالىمى تمد مەملەكەتتەرٸن قامتيدى. تمد ەلدەرٸنەن كەلگەن جەنە وسى ەلدەرگە كەتكەندەردٸڭ ٷلەسٸ 78,4 جەنە سەيكەسٸنشە 90,6 پايىزدى قۇرادى. ٶڭٸرارالىق كٶشٸ-قوندا ەلٸمٸزدٸڭ ٷش ٶڭٸرٸندە وڭ سالدو قالىپتاسىپ وتىر. ولار: شىمكەنت (39556 ادام), الماتى الماتى (29 496) جەنە استانا (15 189) قالالارى.
