Qazaqstan karantin rejimin jeńildetýge daiyn. Bul týraly QR Prezidenti Qasym-Jomart Toqaevtyń málimdemesinde aitylǵan, dep habarlaidy "ULt aqparat".
QR Prezidenti Tótenshe jaǵdai rejimin qamtamasyz etý jónindegi Memlekettik komissiia karantin talaptaryn jeńildetýge daiyn ekendigin aitty.
«Aldymen, virýstyń taralýyn qatań baqylaýda ustap otyrǵan oblystar men qalalardan bastaýǵa bolady. Memlekettik komissiiaǵa elordanyń úlgisimen elimizdiń barlyq aimaǵynda óz jumystaryna kirisetin mekemelerdiń tizimin jasaý tapsyryldy. Birinshi kezekte ónerkásip kásiporyndary, qurylys, jol qurylysy jáne kólik kompaniialary, bankter jáne halyqqa qyzmet kórsetý ortalyqtary jumysqa kirisýi kerek», - dedi Memleket basshysy.
Qasym-Jomart Toqaev biraq barlyq sanitarlyq normalardy saqtap, jumys oryndarynda únemi dezinfektsiia júrgizip turý qajettigin, kúndelikti ómirde áleýmettik ara qashyqtyqty ustanǵan jón ekendigin basa atap ótedi.
«Kásiporyn basshylaryna jáne jergilikti atqarý organdaryna jeke jaýapkershilik júkteledi. Bul oraida barlyq deńgeidegi ákimdikterdiń róli aitarlyqtai artady», - dedi QR Prezidenti.
