Qazaqstan qansha memleketpen vizasy rejim ornatqan? Bul suraqqa QR Ishki ister ministriniń orynbasary Murat Baimuqashev jaýap berdi, dep habarlaidy QazAqparat.
«Bizdiń qyzmetkerler kóshi-qon qyzmetin baqylaýdy júzege asyrýda zań normalaryn qatań ustanady. Iaǵni el azamattarynyń ǵana emes, sondai-aq shetel azamattarynyń da quqyǵy men múddesin qatar qorǵaidy. Bul Qazaqstandy álemdik qoǵamdastyqta qaýipsiz ashyq quqyqtyq memleket retinde kórsetedi. Jáne elimizdiń týristik yqpalyn arttyryp, investitsiia tartý múmkindigin keńeite túsedi. Búginde kóshi-qon protsesi tez ózgerip otyrady. Degenmen ýaqytyly qabyldanǵan quqyqtyq-normativtik zańnama ony retteýge oń septigin tigizip jatyr. Álemdik kóshi-qonda bizdiń eldiń geosaiasi mańyzy erekshe. Ásirese migranttar aǵyny Ortalyq Aziia elderi, Resei men Qytaiǵa tiesili», - dedi Murat Baimuqashev QR Parlamenti Májilisinde jasaǵan baiandamasynda.
Vitse-ministrdiń aitýynsha, keibir shetel azamattary úshin Qazaqstanǵa kelýge viza talap etiledi.
«Búginde Qazaqstan 73 memleketpen vizasyz rejim ornatty. Atap aitqanda, 19 memlekettiń azamaty elimizge jalpyazamattyq tólqujat arqyly kele alady. Onyń ishinde Eýraziialyq ekonomikalyq odaq elderi de bar. Al 54 memleketpen birjaqty tártiptiń negizinde vizasyz rejim ornatyldy. Onyń qataryna ekonomikalyq yntymaqtastyq jáne damý uiymy elderi jatady», - deidi ol.
