قازاقستان قانشا مەملەكەتپەن ۆيزاسى رەجيم ورناتقان? بۇل سۇراققا قر ٸشكٸ ٸستەر مينيسترٸنٸڭ ورىنباسارى مۇرات بايمۇقاشەۆ جاۋاپ بەردٸ, دەپ حابارلايدى قازاقپارات.
«بٸزدٸڭ قىزمەتكەرلەر كٶشٸ-قون قىزمەتٸن باقىلاۋدى جٷزەگە اسىرۋدا زاڭ نورمالارىن قاتاڭ ۇستانادى. ياعني ەل ازاماتتارىنىڭ عانا ەمەس, سونداي-اق شەتەل ازاماتتارىنىڭ دا قۇقىعى مەن مٷددەسٸن قاتار قورعايدى. بۇل قازاقستاندى ەلەمدٸك قوعامداستىقتا قاۋٸپسٸز اشىق قۇقىقتىق مەملەكەت رەتٸندە كٶرسەتەدٸ. جەنە ەلٸمٸزدٸڭ تۋريستٸك ىقپالىن ارتتىرىپ, ينۆەستيتسييا تارتۋ مٷمكٸندٸگٸن كەڭەيتە تٷسەدٸ. بٷگٸندە كٶشٸ-قون پروتسەسٸ تەز ٶزگەرٸپ وتىرادى. دەگەنمەن ۋاقىتىلى قابىلدانعان قۇقىقتىق-نورماتيۆتٸك زاڭناما ونى رەتتەۋگە وڭ سەپتٸگٸن تيگٸزٸپ جاتىر. ەلەمدٸك كٶشٸ-قوندا بٸزدٸڭ ەلدٸڭ گەوساياسي ماڭىزى ەرەكشە. ەسٸرەسە ميگرانتتار اعىنى ورتالىق ازييا ەلدەرٸ, رەسەي مەن قىتايعا تيەسٸلٸ», - دەدٸ مۇرات بايمۇقاشەۆ قر پارلامەنتٸ مەجٸلٸسٸندە جاساعان بايانداماسىندا.
ۆيتسە-مينيستردٸڭ ايتۋىنشا, كەيبٸر شەتەل ازاماتتارى ٷشٸن قازاقستانعا كەلۋگە ۆيزا تالاپ ەتٸلەدٸ.
«بٷگٸندە قازاقستان 73 مەملەكەتپەن ۆيزاسىز رەجيم ورناتتى. اتاپ ايتقاندا, 19 مەملەكەتتٸڭ ازاماتى ەلٸمٸزگە جالپىازاماتتىق تٶلقۇجات ارقىلى كەلە الادى. ونىڭ ٸشٸندە ەۋرازييالىق ەكونوميكالىق وداق ەلدەرٸ دە بار. ال 54 مەملەكەتپەن بٸرجاقتى تەرتٸپتٸڭ نەگٸزٸندە ۆيزاسىز رەجيم ورناتىلدى. ونىڭ قاتارىنا ەكونوميكالىق ىنتىماقتاستىق جەنە دامۋ ۇيىمى ەلدەرٸ جاتادى», - دەيدٸ ول.
