Qazaqstan qalalary arasyndaǵy blokposttar alynady. Bul týraly Ortalyq kommýnikatsiialar qyzmetinde QR IIDM Kólik komiteti tóraǵasynyń orynbasary Jánibek Taijanov málim etti, dep habarlaidy "Ult aqparat".
«Vedomstvoaralyq komissiianyń 1 maýsymnan qalalar arasynda blokposttardy alyp tastaý sheshimine sáikes, 5 maýsymnan tasymaldaý sharalaryn jandandyrý boiynsha jumystar iske asyrylady», - dedi J. Taijanov.
Onyń sózine qaraǵanda, avtobýspen jolaýshylardy tasymaldaý kezinde tasymaldaýshylardyń tiisti jumys algoritmi bas sanitarlyq dáriger qaýlysy talaptaryn eskere otyryp ázirlendi. Osy oraida baǵdardyń sońǵy pýnkterinde avtobýstardy dezinfektsiialaý, kólik salonyna tek meditsinalyq maskada otyrǵyzý, sondai-aq basqa da qaýipsizdik talaptary eskerilgen.
