Úkimet otyrysynda veterinarlyq jáne fitosanitarlyq qaýipsizdik máselesi qaraldy. Aǵymdaǵy jaǵdai men qabyldanyp jatqan sharalar týraly QR aýyl sharýashylyǵy ministri S. Omarovtyń, óńirler ákimderiniń baiandamalary tyńdaldy, dep habarlaidy primeminister.kz.
Qorytyndylai otyryp, QR Premer-Ministri Asqar Mamin Agroónerkásiptik keshendi damytý baǵdarlamasyn iske asyrý aiasynda Úkimet aldynda 2022 jylǵa deiin óńdelgen aýyl sharýashylyǵy óniminiń eksportyn keminde 2,5 ese ósirý mindeti turǵanyn atap ótti.
«Veterinarlyq jáne fitosanitarlyq qaýipsizdik talaptarynyń saqtalýyn qamtamasyz etý qajet», — dedi A. Mamin.
2017 jyly Qazaqstannyń barlyq óńirleri aýsyldan taza aimaq mártebesin aldy. Osynyń arqasynda, Iran, BAÁ, Saýd Arabiiasyna mal sharýashylyǵy ónimderiniń eksportyna qoiylǵan shekteý alyndy, tiisti sharttar kelisildi. Qazirgi tańda Izrail, Qytai, Ońtústik Koreia jáne taǵy da basqa eldermen osy baǵytta kelissózder júrgizilýde. Biyl naýryzda qazaqstandyq fitosanitarlyq qyzmet 30 un kásipornyn tekserip, olar QHR bidai unyn eksporttaýshylar tizimine engizildi.
«Veterinarlyq jáne fitosanitarlyq kedergilerdi alý jáne ótkizý naryqtaryn keńeitý boiynsha jumysty jalǵastyrý qajet. Qazaqstannyń joǵary sapaly jáne ekologiialyq taza ónimmen qamtamasyz etetin senimdi kózge ainalýǵa barlyq áleýeti bar», — dedi A. Mamin.
Osyǵan orai, Aýyl sharýashylyǵy ministrligi óńirlerdiń ákimderimen birlesip kelesi máselelerge erekshe nazar aýdaryp, naqty sharalardy qolǵa alýlary qajet. Atap aitqanda:
-
turaqty epizootiialyq ahýaldy qamtamasyz etý;
-
mal qorymdary oryndarynyń veterinarlyq-sanitarlyq talaptarǵa sáikes bolýy;
-
egis alqaptaryn ziiankesterge qarsy óńdeý sharalaryn ýaqytyly qabyldaý;
-
tiimdi veterinarlyq jáne fitosanitarlyq baqylaýdy qamtamasyz etý.
«Bul rette, Eýraziialyq ekonomikalyq odaq elderimen ózara saýdaǵa qatysty jasalynǵan kelisimder aiasynda tiisti rásimderdi júrgizý qajet», — dedi QR Premer-Ministri.
