Elordada Eýropadaǵy qaýipsizdik jáne yntymaqtastyq uiymynyń (EQYU) Aýǵanstan boiynsha jiyny ótip jatyr, dep habarlaidy QazAqparat.
«2019 jyldyń basynda Qazaqstan arnaiy «Jýsan» operatsiiasyn júrgizgen bolatyn. «Jýsan» operatsiiasy – Qazaqstan osy adamdardyń (kezinde Siriiaǵa ketip qalǵan azamattardyń – avt.) úii ekenin kórsetti. Operatsiianyń arqasynda elge 600-ge tarta adam qaitaryldy. Olardyń 406-y bala. Olardyń bári de ońaltý sharalarynan ótip, qazaqstandyq qoǵamǵa beiimdeldi. Qazirgi ýaqytta Iraktan 14 balany qaitarý baǵytynda jumys júrgizip jatyrmyz. Olardyń analary sol jaqta ómir boiy bas bostandyǵynan aiyrylǵan», - dedi QR Syrtqy ister ministri Muhtar Tileýberdi otyrys barysynda.
Ministrdiń aitýyna qaraǵanda, Qazaqstan mundai gýmanitarlyq aktsiialardy júrgizip jatqan álemdegi sanaýly memleketterdiń biri.
«Biz óz tájiribemizben bólisýge daiynbyz», - dedi ol.
Eske salaiyq, «Jýsan» gýmanitarlyq operatsiiasy - aýqymdy aktsiia. Bul bastamany Tuńǵysh Prezident - Elbasy Nursultan Nazarbaev usyndy. 2018 jyldan beri júzege asyrylyp keledi.
Siriiadan qazaqstandyqtardyń alǵashqy legi biylǵy 6 qańtarda elge jetkizilgen bolatyn.
7-9 mamyr kúnderi atalmysh elden Qazaqstannyń taǵy 231 azamaty oraldy.
Keshendi sharalar nátijesinde qaqtyǵys aimaǵynan elimizge jalpy 357 bala qaitaryldy. 28-31 mamyrda «Jýsan» arnaiy gýmanitarlyq aktsiiasynyń sońǵy kezeńi ótkizilgen edi.
