Foto: QR OAM
Qazanda Almatyda inkliýzivti bilim berý jónindegi alǵashqy Dúniejúzilik kongress – World Inclusion Congress 2025 (WIC 2025) ótedi, dep habarlaidy Ult.kz.
Is-sharaǵa birqatar elderden halyqaralyq sarapshylar men inkliýzivti jáne arnaiy bilim berý salasyndaǵy ǵalymdar, salalyq ministrlikterdiń basshylary qatysady. Bul týraly Oqý-aǵartý ministri Ǵani Beisembaev Almaty qalasyndaǵy jumys sapary barysynda málimdedi.
135 qatysýshy eldiń arasynan Qazaqstandy Halyqaralyq IFIP qaýymdastyǵynyń tańdap alýy – elimizdiń inkliýzivti jáne arnaiy bilim berýdi damytýdaǵy aiqyn qadamdarynyń ári jetistikteriniń nátijesi.
Qazirgi tańda elimizdiń mektepteriniń 90%-ynda erekshe bilim berý qajettiligi bar balalarǵa jaǵdai jasalǵan, 85%-y arnaiy psihologiialyq-pedagogikalyq qoldaýmen qamtylǵan. Sońǵy eki jylda arnaiy bilim berý uiymdarynyń jelisi eki ese artyp, 213-ten 508-ge jetti. «Pedagog-assistent», «arnaiy pedagog», «jeke kómekshi» jańa laýazymdary engizildi. Ulttyq deńgeide «Erekshe bilim berý qajettilikteri bar balalardy keshendi qoldaý týraly» Zań ázirlenýde.
Ministrdiń aitýynsha, Dúniejúzilik kongress inkliýzivti jáne arnaiy bilim berý júiesin odan ári damytýǵa tyń serpin beredi.
«World Inclusion Congress 2025 – inkliýzivti bilim berý salasyndaǵy alǵashqy halyqaralyq bastama. Kongresstiń Qazaqstanda ótýi – ádiletti ári inkliýzivti qoǵam qurýǵa degen umtylysymyzdy kórsetedi, sonymen birge bilim berý reformalaryndaǵy jetistikterimiz ben innovatsiialardy engizýdegi nátijelerimizdi aiqyndaidy. Halyqaralyq korporatsiialyq kóshbasshylardyń qatysýy elimizdiń tájiribesine nazar aýdartyp qana qoimai, jańa investitsiialar tartýǵa strategiialyq múmkindikter ashady», – dedi ministr.
Kongress praktikalyq iske asyrýǵa basymdyq berý, úshjaqty tásil (pedagogikalyq innovatsiialar, tehnologiialyq jetistikter, korporativtik yntymaqtastyq), jasandy intellekt pen zamanaýi tehnologiialardy qoldanýǵa ekpin qoiýmen erekshelenedi. Baǵdarlamada plenarlyq otyrystar, paneldik pikirtalastar, sheberlik sabaqtary jáne álemdik sarapshylardyń baiandamalary qamtylǵan.
Sharaǵa 50 elden 400-den astam delegat qatysady dep kútilýde. Nátijesinde inkliýzivti bilim berýdi damytý jónindegi halyqaralyq mindettemelerdi bekitetin Almaty deklaratsiiasy qabyldanady.
