Búgin Shyǵys ekonomikalyq forýmy aiasynda QR Premer-Ministri Asqar Mamin men SBER kompaniialar tobynyń basshysy German Gref Qazaqstan Respýblikasynyń tsifrlyq transformatsiiasy, tsifrlandyrýdyń platformalyq modeline jáne «Data-Driven Government» tujyrymdamasyna kóshý jónindegi jobalardy iske asyrý salasyndaǵy yntymaqtastyq týraly memorandýmǵa qol qoidy.
QR Úkimeti baspasóz qyzmetiniń habarlaýynsha, qol qoiý rásimi QR Prezidenti Qasym-Jomart Toqaev pen RF Prezidenti Vladimir Pýtinniń qatysýymen beinekonferentsiia bailanysy formatynda ótti, dep habarlaidy QazAqparat.
Qujat Qazaqstanda GovTech tsifrlyq platformasyn engizý, derekterdi taldaý jáne jasandy zerde boiynsha praktikalardy qoldana otyryp, memlekettik basqarýdyń reinjiniringi jáne tsifrlyq transformatsiialaý boiynsha yntymaqtastyqty damytýdyń negizgi tásilderin kózdeidi.
Tsifrlyq arhitektýranyń platformalyq modeli halyqqa memlekettik qyzmet kórsetýdiń jyldamdyǵy men tiimdiligin arttyrýǵa jol ashady.
«Bul joba memleketterimizdiń ózara seniminiń belgisin taǵy bir aiqyndai túsedi. 15 jyldan astam ýaqyt bizdiń naryqta tabysty jumys istep kele jatqan SBER-diń qazaqstandyq memtehtyń institýtsionaldyq negizin qalyptastyrýǵa atsalysýy Qazaqstan men Resei arasyndaǵy yntymaqtastyqty ziiatkerlik tehnologiia siiaqty asa mańyzdy sala arqyly jan-jaqty ete túsedi. Shyn máninde, bul óte mańyzdy qadam», — dedi Qazaqstan Respýblikasynyń Prezidenti Qasym-Jomart Toqaev.
Memleket basshysy osy strategiialyq jobany iske asyrý Qazaqstan azamattarynyń turmys sapasyn arttyrýǵa jáne biznes ahýaldy jaqsartýǵa yqpal etetinin aitty.
Resei Federatsiiasynyń Prezidenti Vladimir Pýtin óz sózinde QR Úkimeti men SBER kompaniialar toby arasyndaǵy qujatqa qol qoiý eki eldiń barlyq saladaǵy, sonyń ishinde tsifrlandyrýdaǵy yntymaqtastyǵynyń joǵary deńgeiiniń taǵy bir dáleli ekenin atap ótti.
