Foto: un.org
Qazaqstannyń 40 azamaty jáne olardyń tórt otbasy múshesi Gaza sektorynan evakýatsiialanady. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan.
"Búgin 44 azamattan turatyn birinshi topty evakýatsiialaý josparlanǵan. Bul topqa Qazaqstannyń 40 azamaty jáne olardyń tórt sheteldik otbasy múshesi kiredi", - dedi Smadiiarov apta saiynǵy brifingte.
Onyń aitýynsha, Qazaqstannan basqa evakýatsiia jasap jatqan 9 el bar: Marokko, Iordaniia, Resei, Ispaniia, Shvetsiia, Perý, Niderlandy, AQSh jáne Ulybritaniia. Barlyǵy Rafak ótkizý beketi arqyly 594 adamdy ótkizý josparlanǵan.
"Evakýatsiia Gaza sektory men Mysyr arasynda ornalasqan "Rafak" ótkizý pýnkti arqyly júzege asyrylady. Ótkizý beketinen ótkennen keiin qazaqstandyqtar avtokólikpen Kairge jetkizilip, qonaq úige jaiǵasady. Sodan keiin Qazaqstanǵa jetkiziledi", - dep túsindirdi SIM resmi ókili.
Ol qazir qazaqstandyq diplomattar Kairden Rafak pýnktine jolǵa shyǵyp, jaqyn arada jetetinin atap ótti.
"Jetkennen keiin Mysyr, Palestina, Gaza sektory biligimen birlesip, tizimderin qaita tekserip, 44 azamatymyzdy Gaza sektorynan shyǵarýǵa barlyq kúsh jigerin salady. Búgin kún batqansha bul is bitedi dep josparlap otyrmyz", - dedi Smadiiarov.
