Ulttar ligasyndaǵy alty oiynnyń qorytyndysy boiynsha Qazaqstan quramasy topta sońǵy orynǵa ie bolyp, «S» ligasyndaǵy oryndy saqtap qalý úshin Moldovamen talasady. Biraq, soǵan qaramastan, Qazaqstan quramasy týrnirge qatysqany úshin bonýstar alady, dep habarlaidy KazFootball.kz portaly.
Ulttar ligasyna qatysýshylardyń árqaisysy jaqsy bonýstarǵa ie bolýy múmkin. Týrnir aiaqtalǵannan keiin olarǵa qol jetkizilgen nátijelerge bailanysty syiaqy qosylady. Ulttar ligasynyń aǵymdaǵy utys oiynynda óner kórsetkeni úshin QFF 1,125 million aýdarady. Alaida Mihal Bilektiń shákirtteri topta birinshi oryn alǵan jaǵdaida eki ese kóp aqsha tabýy múmkin edi.
«S» ligasyndaǵy toptyń jeńimpazy úshin 1,125 eýro syiaqy beriledi. Iaǵni Qazaqstan quramasy topta jeńiske jetken jaǵdaida 2,25 million eýro (topqa qatysqany jáne jeńgeni úshin) tabysqa ie bolady.
Ulttar ligasynda óner kórsetkeni úshin mynadai bonýstar beriledi: «A» diviziony – 2,25 million, «V» diviziony – 1,5 million, «S» diviziony – 1,125 million «D» diviziony – 0,75 million. Al toptyń jeńimpazdaryna: «A» diviziony – 2,25 million «V» diviziony – 1,5 million «S» diviziony – 1,125 million, «D» diviziony – 0,75 million. Final jeńimpazyna 6 million tólenedi, ekinshi orynǵa – 4,5 million, úshinshi orynǵa – 3,5 million, tórtinshige – 2,5 million.
