Qazaqstan fýtbol federatsiiasynyń baspasóz hatshysy taǵaiyndaldy. Bul qyzmetke tanymal sport kommentatory Ermuhamed Máýlen keldi, dep habarlaidy federatsiianyń baspasóz qyzmeti.
E.Máýlen ál-Farabi atyndaǵy Qazaq ulttyq ýniversitetiniń túlegi. 2013-2016 jyldary Qazsport arnasynyń redaktory bolǵan. Sol qyzmetti atqara júrip 2014 jyly Braziliiada ótken fýtboldan álem chempionatynda oqiǵa ornynan qazaq televiziiasy tarihynda tuńǵysh ret reportaj júrgizgen.
Ol 2017-2018 jyldary «Egemen Qazaqstan» gazetiniń sport bóliminiń meńgerýshisi, 2019 jyly «Habar» agenttiginiń sport bóliminiń prodiýseri qyzmetin atqardy.
Ótken jyldan beri Qazsport telearnasynda arnaiy jobalar redaktory qyzmetine kiristi.
