Foto: Facebook/Daniiar Ashimbaev
Qazaqstandyq saiasattanýshy Daniiar Áshimbaev 2023 jylǵa qorytyndy jasap, Qazaqstan bastan ótkergen negizgi oqiǵalar men jetistikterge toqtaldy, dep habarlaidy Kazinform agenttigi.
Jyl aýqymdy ishki saiasi qozǵalyspen, onyń ishinde reforma, bastama men kóptegen sailaý naýqanyn júrgizýmen este qaldy. Daniiar Áshimbaevtyń pikirinshe, Qazaqstan basshylyǵy syrtqy maidanda belsendi boldy.
«Negizgi mindetter aitarlyqtai túsinikti. Birinshiden, Qazaqstannyń jahandyq jáne óńirlik janjaldarǵa aralasyp ketýine jol bermeý. Ekinshiden, eldiń ishki saiasi keńistigin, saiasi turaqtylyq pen ultaralyq kelisimdi syrtqy qaýip-qaterden qorǵaý. Úshinshiden, ótip bara jatqan jyly tóngen qaýip pen qaterdi Qazaqstan paidasyna sheshý», — dep atap ótti saiasatker.
Daniiar Áshimbaevtyń pikirinshe, Toqaev komandasy bul mindetterdi durys oryndap, aldyńǵy qatarly álemdik derjavalarmen qarym-qatynasyn nyǵaityp, óz qaýipsizdigine kepildik aldy.
«Máskeý, Beijiń, Vashington, Ankara, Tegeran, Briýsselmen qarym-qatynas turaqty, júieli jáne dinamikalyq túrde damyp jatyr. Jeke qarym-qatynas pen logistika salasyndaǵy básekelestikke qaramastan Ortalyq Aziiada C5+ formaty jumys isteidi. Kúsh salý arqyly ishki alańǵa syrttyń qysymy minimal deńgeide azaityldy. Túrli radikal, provakatsiialyq qurylymdar men jeke tulǵalardyń kózi joiyldy. Syrtqy shoktar saldaryna ekonomika men turǵyndardyń beiimdele alýy da ról atqaryp, birqatar janjal aimaǵy ainalyp ótti. Qazaqstan logistikany jańǵyrtyp, bir ýaqytta Shyǵys-Batys jáne Soltústik-Ońtústik dálizderi boiynsha jumys istedi. Óz kólik jelilerin modernizatsiialap, básekeles baǵyttardy basyp ozýǵa, kórshilerdiń qyzyǵýshylyǵyn ózine aýdarýǵa tyrysty. Qazaqstan Reseimen taýar ainalymyn birden arttyryp, batystyq sanktsiialardy ainalyp ótýge tyrysqanyn baiqaý qiyn emes», — dep atap ótti Áshimbaev.
Sonymen qatar ol Frantsiia prezidenti Emmaniýel Makronnyń jaqynda ǵana bolǵan Astanaǵa sapary týraly sóz qozǵady.
«Frantsiia prezidenti Makronnyń sapary da nazarymyzdy aýdarmai qoimaidy. Ol Astanaǵa suraýshy retinde — jetkiziletin energetika men ýran kólemin arttyrý týraly kelisimsharttar úshin keldi. Qazaqstan nege naqty jaýap bermegeni de túsinikti, sebebi tańdaý jetkilikti. Árine, kez kelgen jobada polites pen óteýshi manevr úlesi bolady, biraq Qazaqstan men onyń prezidenti osy baǵytta negizgi strategiialyq mindetterdiń bárin sheshe aldy», — dep túsindirdi ol.
