Qazaqstan Respýblikasynyń Elshisi Jánibek Ábdrashov Býdapeshtegi «Shandor» saraiynda Majarstan Respýblikasynyń Prezidenti Ianosh Aderge senim gramotalaryn saltanatty jaǵdaida tabys etti, dep habarlaidy "Ult aqparat".
Saltanatty rásimnen keiingi kezdesýde Elshi Qazaqstan Prezidenti Qasym-Jomart Toqaevtyń jáne QR Tuńǵysh Prezidenti – Elbasy Nursultan Nazarbaevtyń Majarstan basshysy Ia.Aderdiń atyna izgi tilekterin jetkizdi. J.Ábdrashov Qazaqstandaǵy áleýmettik-ekonomikalyq ahýal týraly, elimizdi odan ári reformalaý jáne qazaqstandyq qoǵamdy damytý jónindegi QR Prezidenti Q. Toqaevtyń Joldaýynda qoiylǵan tapsyrmalar týraly aityp berdi.
Budan bólek, taraptar saiasi, ekonomikalyq jáne mádeni-gýmanitarlyq salalardaǵy ekijaqty yntymaqtastyqtyń jai-kúii men keleshegin, sondai-aq halyqaralyq problemalardy talqylady. Atap aitqanda, elshi «elder arasynda ekonomika salasynda qajetti sharttyq baza qalyptastyrylǵanyna, ekijaqty institýttardyń, onyń ishinde Ekonomikalyq yntymaqtastyq jónindegi úkimetaralyq komissiianyń, Iskerlik keńestiń, Qazaqstan-Majar Tikelei investitsiialar qorynyń jemisti jumysyna, «Nur-Sultan-Býdapesht» aviaqatynasyna toqtalyp ótti.
Prezident Ia.Ader ekijaqty qarym-qatynastardyń joǵary deńgeiin atap ótip, Ortalyq Aziiadaǵy óziniń senimdi serigi retinde qarastyratyn Qazaqstanmen Majarstannyń strategiialyq áriptestigin odan ári nyǵaitý men damytýǵa ázirligin bildirdi.
«Kezdesý sońynda qazaqstandyq diplomat eki el arasyndaǵy strategiialyq áriptestikti odan ári nyǵaitý úshin barlyq kúsh-jigerin jumsaitynyn jetkizdi. Óz tarapynan Prezident Ia.Ader Qazaqstan Elshisin Majarstandaǵy diplomatiialyq missiiasynyń bastalýymen quttyqtap, jumysyna tabys tiledi», - delingen QR SIM málimetinde.
Saltanatty rásim Býdapeshttegi Majarstan Batyrlary monýmentine gúl shoǵyn qoiýmen aiaqtaldy.
