Qazaqstan Respýblikasynyń Elshisi Rápil Joshybaev Qyrǵyz Respýblikasynyń Prezidenti Sadyr Japarovqa senim gramotalaryn tapsyrdy, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Rásim barysynda Qyrǵyzstan Prezidenti Elshini qyzmetke taǵaiyndalýymen quttyqtai otyryp, onyń atalǵan laýazymdaǵy aldaǵy jumysy eki memleket arasyndaǵy tatý kórshilikke negizdelgen ózara tiimdi qarym-qatynastardy odan ári damytýǵa yqpal etetinine senim bildirdi.
Rásimnen keiin bolǵan kezdesýde qazaqstandyq diplomat Elbasy Nursultan Nazarbaev Qazaqstan men Qyrǵyzstan arasyndaǵy baýyrlastyq jáne odaqtastyq qarym-qatynastardy árdaiym qoldaitynyn, ári bul baǵytty Prezident Qasym-Jomart Toqaev jalǵastyrǵanyn basa aitty.
Taraptar ekijaqty jáne kópjaqty formattaǵy saiasi dialogtyń joǵary deńgeiin atap ótip, saýda-ekonomikalyq, investitsiialyq jáne mádeni-gýmanitarlyq yntymaqtastyqty arttyrý múmkinshilikteri boiynsha pikir almasty.
Kezdesý sońynda Prezident S. Japarov Elbasy N. Nazarbaev pen Prezident Q. Toqaevqa izgi lebizderin jetkizýdi surady jáne jańa Elshige qazaq-qyrǵyz qarym-qatynastaryn odan ári nyǵaitý jolynda zor tabystar tiledi.
