Qazaqstan tarapynyń bastamasymen Qazaqstan Respýblikasynyń Kanadadaǵy Tótenshe jáne Ókiletti Elshisi Aqylbek Kamaldinovtyń Kanada Parlamenti Senatynyń Tóraǵasy Djordj Fiýrimen telefon arqyly sóilesti, dep habarlaidy QR SIM baspasóz qyzmeti.
Qazaqstan Elshisi A.Kamaldinov Qazaqstan men Kanada arasynda qalyptasqan qatynastardyń joǵary deńgeiin jáne olardaǵy eki eldiń parlamentteri deńgeiindegi dialogtyń erekshe mańyzdylyǵyn atap ótti.
Qazaqstandyq diplomat Kanada parlamentiniń tóraǵasyna Qazaqstandaǵy saiasi ózgerister men Prezident Q.Toqaevtyń elde júrgizip otyrǵan demokratiialyq reformalar týraly habardar etti, sondai-aq 2021 jylǵy 10 qańtarǵa josparlanǵan Qazaqstan Parlamenti Májilisiniń kezekti sailaýy ótetindigin aitty. A.Kamaldinov kanadalyq depýtattyń nazaryn 2019 jáne 2020 jyldary Qazaqstanda birqatar zańdarǵa engizilgen túzetýler azamattyq qoǵamdy damytý, kóppartiialy júieni qurý, saiasi básekelestikti jáne Qazaqstandaǵy pikirlerdiń pliýralizmin qamtamasyz etý jolynda mańyzdy jetistikter bolyp tabylady dedi.
Cuhbat barysynda parlamentaralyq yntymaqtastyq máseleleri boiynsha jan-jaqty pikir almasýlar boldy. Taraptar kelesi jyly ótetin ekijaqty is-sharalardyń kún tártibine, sondai-aq Qazaqstan-Kanada parlamenttik dostyq tobynyń qyzmetin qalpyna keltirýge erekshe nazar aýdardy.
Dj.Fiýri Qazaqstandy Kanadanyń senimdi jáne turaqty seriktesi dep atady jáne eldiń saiasi júiesin jańartý maqsatynda júrgizilip jatqan reformalarǵa oń baǵa berdi. Onyń aitýynsha, Qazaqstan Kanadanyń Ortalyq Aziiadaǵy eń iri seriktesi bolyp tabylady jáne bizdiń elderimiz taýar ainalymyn odan ári arttyrý úshin úlken áleýetke ie. Senat Tóraǵasy sonymen qatar Qazaqstan men Kanada arasyndaǵy parlamenttik dialogty damytýǵa yqpal etýge daiyn ekenin bildirdi.
Suhbattyń sońynda Dj.Fiýri jan-jaqty pikir almasqany úshin alǵysyn bildirip, kele jatqan Qazaqstan Táýelsizdiginiń 29 jyldyǵy merekesimen quttyqtady.
