25 naýryzda Qazaqstannyń Belarýstegi Tótenshe jáne Ókiletti Elshisi Asqar Beisenbaevtyń Belarýs Respýblikasynyń Prezidenti Aleksandr Lýkashenkomen kezdesýi ótti.
Áńgime barysynda saýda-ekonomikalyq jáne mádeni-gýmanitarlyq ózara is-qimyldy keńeitý qajettigine basa nazar aýdara otyryp, yntymaqtastyqtyń basym baǵyttary talqylandy.
«Qazaqstan men Belarýs kez kelgen arenada, sonyń ishinde halyqaralyq arenada bir-birin qoldaityn dostas elder bolyp tabylady. Sizge úlken alǵysymdy bildirgim keledi. 2020 jyl ońai bolǵan joq, pandemiiamen kúres jyly boldy, ol kezde barlyq elder oqshaýlanyp jatqanda, Belarýs tarapynan biz úlken dostyq kómekti kórdik», - dep atap ótti A. Beisenbaev.
Belarýs Prezidenti óz kezeginde Qazaqstan-Belarýs qarym-qatynasyna joǵary baǵa berip, olardyń jan-jaqty damýyna qoldaý kórsetýge daiyn ekenin aitty.
«Belarýs pen Qazaqstan sońǵy jyldary qarym-qatynastardy damytýda jáne integratsiia turǵysynan, ásirese EAEO jelisi boiynsha, eki jaqty qatynastarda, saýdada jáne kooperatsiiada óte kóp jetistikterge qol jetkizdi. Árine, bul kólemdi keńeitý úshin neǵurlym tereń kooperatsiia bolǵanyn qalaityn edik. Biz óndiristi kóbirek júkteýge, qurastyrý óndirisin qurýǵa, barlaryn júkteýge daiynbyz. Bir sózben aitqanda, úkimetterge jumys isteý kerek», - dep atap ótti Belarýs basshysy.
A. Lýkashenko Qazaqstan Prezidenti Q. Toqaevtyń Belarýs Respýblikasyna sapary ekijaqty ózara is-qimylǵa jańa serpin bere alatynyn atap ótti.
Kezdesý dostyq jáne senimdi jaǵdaida ótti.
