El aýmaǵynan aǵash materialdarynyń jekelegen túrlerin shyǵarýǵa 18 tamyzdan bastap tyiym salyndy. Bul týraly Memlekettik kirister komitetiniń baspasóz qyzmeti habarlady.
«Qazaqstan aýmaǵynan aǵash materialdarynyń jekelegen túrlerin,a atap aitqanda Eýraziialyq ekonomikalyq odaqtyń Syrtqy ekonomikalyq qyzmetiniń taýar nomenklatýrasy kody 4401, 4403, 4404, 4406 jáne 4407 áketýge 2019 jylǵy 18 tamyzdan bastap alty ai merzimge tyiym salý engizildi. Buǵan qatysty QR Indýstriia jáne infraqurylymdyq damý ministriniń 2019 jylǵy 29 shildedegi № 564 buiryǵy shyǵaryldy», - delingen Komitet habarlamasynda.
