QR Úkimetiniń baspasóz ortalyǵynda Memleket basshysynyń «Halyq birligi jáne júieli reformalar – el órkendeýiniń berik negizi» atty Qazaqstan halqyna arnaǵan Joldaýy boiynsha brifing ótti. Brifingke QR Premer-Ministriniń orynbasary Roman Skliar, QR aýyl sharýashylyǵy ministri Erbol Qarashókeev, QR indýstriia jáne infraqurylymdyq damý ministri Beibit Atamqulov jáne QR energetika ministri Maǵzum Myrzaǵaliev qatysty, dep habarlaidy "Ult aqparat".
«Básekege qabilettilikti saqtaý jáne ekonomika salalarynyń damýy – Úkimettiń strategiialyq mindeti jáne negizgi jumys vektorlarynyń biri. Bul baǵyttaǵy sheshýshi kezeń ulttyq jobalardy qabyldaý bolady. Memleket basshysy Qasym-Jomart Kemeluly Toqaev Qazaqstan halqyna arnaǵan Joldaýynda ekonomikanyń naqty sektoryn odan ári damytýdyń basym mindetterine basa nazar aýdardy», — dedi R. Skliar.
Budan ári ol Prezident Joldaýyn iske asyrý úshin qandai jumys atqarylyp, qandai sharalar qabyldanyp jatqany týraly baiandady. Atap aitqanda, shaǵyn jáne orta biznesti qoldaý týraly aitty.
Ekonomikany qalpyna keltirý jáne odan ári ósý traektoriiasyna shyǵý úshin Prezidenttiń tapsyrmasy boiynsha 2022 jyldyń sońyna deiin Qazaqstanda «Qarapaiym zattar ekonomikasy» baǵdarlamasy sheńberinde shaǵyn jáne orta biznesti qoldaý sharalary uzartyldy, ol óz qajettiligin otandyq óndiristi damytýdyń pármendi quraly retinde dáleldedi.
«Baǵdarlamany iske asyrýdyń 2,5 jylynda 787 mlrd teńge somasyna 3011 joba maquldandy. Atalǵan jobalardy iske asyrý ishki naryqty otandyq taýarlarmen tolyqtyrýǵa, óńdeý ónerkásibiniń básekege qabilettiligin yntalandyrýǵa, eń aldymen, halyq tutynatyn taýarlardyń aýqymdy nomenklatýrasyn shyǵarýǵa baǵyttalǵan», — dep atap ótti ol.
Barlyq jobalardy iske asyrýdyń boljamdy nátijesi — 35 myń jańa jumys ornyn qurý jáne salyq bazasyn 100 mlrd teńgege ulǵaitý.
Memleket basshysynyń Joldaýyn iske asyrýdaǵy kelesi qadam ónerkásiptik saiasatty iske asyrý bolmaq.
QR Premer-Ministriniń orynbasary R. Skliardyń aitýynsha, Indýstriialandyrý kartasy aiasynda 12 myńnan astam jańa turaqty jumys ornyn qurýmen, jalpy somasy shamamen 1,23 trln teńgeni quraityn 128 joba júzege asyrylýda.
«Indýstriialandyrýdy odan ári damytýdyń keshendi jáne júieli tásiliniń kerektigin eskere otyryp, “Ónerkásiptik saiasat týraly” Zań qabyldanady. Ol saladaǵy jumys protsesin júielendirip, memlekettik qoldaý kórsetý sharttaryn jeńildetedi. Qazirgi ýaqytta zań jobasy QR Parlamenti Májilisinde qaralýda. Zańnamalyq jumystardan basqa, óńdeý ónerkásibin odan ári damytý úshin birqatar júielik sharalar daiyndalyp jatyr», — dedi ol.
Metallýrgiia ónerkásibinde biyl otandyq óńdeý ónerkásibin shikizatpen tolyq qamtamasyz etetin retteý mehanizmin bekitý josparlanýda.
Eksporttyq áleýeti joǵary taýarlar men qyzmetterdi jedeldetý baǵytynda jańa joba iske qosyldy. 2021 jyly «Eksporttyq akseleratsiia» baǵdarlamasy aiasynda 130 jańa qatysýshy syrtqy naryqqa shyǵarylady.
Jalpy alǵanda bul sharalar kesheni ónerkásiptik saiasatty tiimdi iske asyrýǵa yqpal etip, Joldaýda aitylǵan óńdeý ónerkásibi eksportyn 1,5 ese arttyryp, $24 mlrd jetkizýge, sonymen qatar 2025 jylǵa qarai eńbek ónimdiligin 30% ósirýge baǵyttalǵan.
Prezident Joldaýyn iske asyrýdaǵy kelesi qadam – geologiia salasyn damytý.
«Joldaýda jer qoinaýyn geologiialyq barlaý men keshendi zertteýge, sondai-aq investorlardyń sapaly geologiialyq aqparatqa qol jetkizýin keńeitýge erekshe nazar aýdarylǵan. “Jer qoinaýy jáne jer qoinaýyn paidalaný týraly” kodekstiń qabyldanýymen sala jańa serpinge ie boldy, ol geologiialyq barlaý salasyndaǵy naryqty damytý jáne elge zamanaýi tehnologiialary bar investorlardy tartýǵa jaǵdai jasady. Qazirgi ýaqytta Úkimet geologiialyq qyzmetti jetildirý boiynsha jumystardy bastady», — dedi R. Skliar.
Ol birinshi kezekte investorlar úshin «biryńǵai terezege» ainalatyn, geologiialyq aqparattyń halyqaralyq standarttarǵa sáikes saqtalýyn qamtamasyz etetin Ulttyq geologiialyq qyzmet qurylatynyn túsindirdi. Budan ózge «Mineraldyq resýrstardyń ulttyq derekter banki» geologiialyq aqparattyń derekqoryn ázirleý jumystary júrgizilýde. Júie memlekettik organdar men jer qoinaýyn paidalanýshylardyń ózara qarym-qatynasyn tsifrlyq formatqa kóshirýge múmkindik beredi.
«Bul sharalar elimizdiń resýrstyq áleýetin ashýǵa jáne jer qoinaýynyń geologiialyq zerttelýin arttyrýǵa yqpal etedi», — dep tolyqtyrdy R. Skliar.
