Biylǵy jeti aida Qazaqstannan eksporttalǵan taýarlardyń baǵasy 18,5% tómen boldy. Importtyq taýarlar kerisinshe, 1,5% qymbat keldi, dep habarlaidy "Ult aqparat".
QR Ulttyq ekonomika ministrligi Statistika komitetinen málim etkendei, atalǵan kezeńde eksporttyq jetkizilimder baǵasy munaiǵa – 30,7%, myryshqa – 10,3%, qorǵasynǵa – 9,2%, qara metall ilegine 8,7% tómendedi.
Al temir kenderine – 26,8%, ferroqorytpalarǵa – 12,9%, mysqa 5,8% joǵarylady. Sondai-aq baǵa bidaiǵa – 17,3%, arpaǵa 9% kóterilgen.
Importtalatyn ónimderden temeki – 36,1%, kúrish – 19,9%, balyq – 13,1%, ósimdik maiy – 11,2%, kakao – 10,5%, qus eti – 10,2%, margarin 4,5% qymbattady. Sondai-aq farmatsevtikalyq ónimderge – 7,6%, aiaq kiimge – 5,2%, mashinalar, jabdyqtar jáne kólik quraldaryna 1,8% kóterildi.
Jemister men jańǵaqtar – 21,4%, qant – 10,4%, kókónister – 8%, shujyq ónimderi 5,6% arzandady. Sonymen qatar súrekke – 3,1%, qurylys materialdaryna 0,9% tómendedi.
