Qazaqstannyń Eýraziia ekonomikalyq odaǵynyń elderimen saýdasy artty. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
Qazaqstan Respýblikasynyń EAEO elderimen qańtar-naýryzdaǵy ózara saýdasy 5191,5 mln AQSh dollaryn qurap, 2020 jylǵy qańtar-naýryzben salystyrǵanda nominaldy mánde 13,2% artty. Sonyń ishinde eksport – 1532,3 mln dollar (16,8% kóp), import 3659,2 mln dollar (11,8% kóp) boldy.
QR-dyń EAEO elderimen syrtqy saýda ainalymynyń jalpy kóleminde:
- Resei Federatsiiasyna – 92,9%;
- Qyrǵyzstan Respýblikasyna – 3,6%;
- Belarýs Respýblikasyna – 3,4%;
- Armeniia Respýblikasyna – 0,1% keledi.
Atalmysh elderge Qazaqstannan eksporttalady:
- mineraldy ónimder – 37,8%;
- metaldar jáne olardan jasalatyn buiymdar – 31,1%;
- himiialyq ónim jáne olarmen bailanysty ónerkásip salalary – 11,3%;
- mal jáne ósimdik ónimderi, daiyn azyq-túlik taýarlary – 10,4%;
- mashinalar, jabdyqtar, kólik quraldary, aspaptar jáne apparattar – 6,9%;
- ózgeleri – 1,6%.
Import:
- mashinalar, jabdyqtar, kólik quraldary, aspaptar jáne apparattar – 24,9%;
- himiialyq ónim jáne olarmen bailanysty ónerkásip salalary – 20,2%;
- mal jáne ósimdik ónimderi, daiyn azyq-túlik taýarlary – 15,0%;
- metaldar jáne olardan jasalatyn buiymdar – 14,9%;
- ózgeleri – 13,9%.
- mineraldy ónimder – 11,1%;
