Memleket basshysy Qasym-Jomart Toqaev Qazaqstannyń Eýraziialyq ekonomikalyq odaqtan shyǵýy týraly tarap júrgen qaýesetke jaýap berdi, dep habarlaidy QazAqparat.
«Qazaqstan osy integratsiialyq birlestikterde óziniń qyzmetin ustanady. "Qazaqstan Eýraziialyq ekonomikalyq odaqqa, Ujymdyq qaýipsizdik týraly shart uiymyna qatysty salqyndyq tanytyp otyr jáne osy uiymdardan shyǵady" degen qaýesetter shyndyqqa janaspaidy. UQShU-ǵa toqtalsaq, Máskeýdegi sózimde Qazaqstanǵa shekteýli kontingentti jiberý arqyly UQShU 30 jyldyń ishinde alǵash ózin kórsetkenin aitqan edim. Atap aitqanda, bul kontingentti Resei emes, Ujymdyq qaýipsizdik týraly shart uiymy jiberdi», - dedi QR Prezidenti reseilik jýrnalist Andrei Kondrashovqa bergen suhbatynda.
Osy oraida Memleket basshysy Reseide keibir adamdar bul jaǵdaidy burmalap júrgenin, iaǵni olar "Resei Qazaqstandy qutqardy, endi Qazaqstan Reseige qaryzdar" degen jańsaq pikir aityp júrgenin synǵa aldy. Mundai qaýeset múldem shyndyqqa janaspaidy.
«Dál osy UQShU-da Qazaqstan belsendi qatysýshy retinde kórinip otyr. Al buryndary bul uiym sammiterdi ótkizýmen, deklaratsiialarǵa qol qoiýmen ainalysyp júrgen edi. Endi uiym ózin aitarlyqtai tiimdi jaǵynan kórsete aldy. Basqa jaǵynan alyp qaraǵanda, bul jaǵdaiǵa saiasi astar berýge, sondai-aq qysyr áńgimege ainaldyrýǵa bolmaidy», - dedi Toqaev.
