Qazaqstandyq dziýdoshy Islam Bozbaev Tokio Olimpiadasynda ekinshi ainalymda jeńilip qaldy, dep habarlaidy "Ult aqparat".
Erler arasynda 90 kelige deiingi salmaq dárejesinde synǵa túsken ol ázerbaijandyq qarsylasyn uta almady. Mamadáli Mehdievpen ótken kezdesý qosymsha ýaqytqa (golden skor) deiin sozyldy. Qosymsha ýaqytta otandasymyzdyń qarsylasy ádis jasap, «vazari» upaiymen Islam Bozbaevty utty.
Osylaisha, dziýdodan Qazaqstan qurama komandasy Tokio Olimpiadasyn bir qola júldemen aiaqtady. El qorjynyna qola júldeni Eldos Smetov salǵan bolatyn.
30 jastaǵy Islam Bozaev Qaraǵandy oblysy Temirtaý qalasynda týǵan. 2012 jyly London Olimpiadasyna qatysyp, 1/8 finalda jeńilgen. 2011 jáne 2017 jyldary Aziia chempionatynda kúmis medal ielengen. Enshisinde Aziia chempionaty men Aziia oiyndarynyń qola júldeleri bar.
