Qazaqstan erler quramasy Úndistandaǵy Dúniejúzilik shahmat olimpiadasyndaǵy úshinshi matchte jeńiske jetti, - dep habarlaidy Tengrinews.kz tilshisi Vesti.kz portalyna silteme jasap.
Aldymen qazaqstandyqtar týrnirdiń úshinshi týrynda Livandy (4-0) jeńdi, sodan keiin Marokko komandasyn (2,5-1,5) jeńdi.
Birinshi matchte Rinat Jumabaev, Álisher Súleimenov, Arystanbek Orazaev jáne Qazybek Nógerbek jeńiske jetti.
Nógerbek pen Orazaev Afrikadan kelgen básekelesterin jeńdi. Jumabaev partiiany teńestirdi, al Qajyǵaliev jeńilip qaldy.
Áielder quramasynda, úshinshi týrda Qazaqstan quramasy Perýdy (3-1) jeńdi, sodan keiin Mońǵoliia komandasymen (2-2) upai bólisti.
Ońtústik amerikalyqtarmen ótken matchta partiiany Bibisara Asaýbaeva, Gúlishan Nahbaeva jáne Kseniia Balabaeva jeńse, Nazerke Nurǵali jeńilis tapty.
Mońǵoldarmen bolǵan oiynda Asaýbaeva men Nahbaeva teń oinady. Balabaeva jeńiske jetti, al Nurǵali jeńilip qaldy.
44-dúniejúzilik shahmat olimpiadasy 28 shildede Úndistandaǵy Chennaida bastaldy. 186 eldiń ókilderi qatysatyn jarys 10 tamyzǵa deiin jalǵasady.
