Qazirgi ýaqytta Máskeý áýejailarynda Vetnam, Dominikan Respýblikasy, Tailand, Kýba, Shri-Lanka elderinen ushyp kelgen 156 qazaqstandyq azamat jinalyp qaldy.
Bul jaiynda Qazaqstannyń Reseidegi Elshiliginiń baspasóz qyzmetinen málim etti, dep habarlaidy "Ult aqparat".
Álemdi jailaǵan koronavirýs indetine bailanysty Reseidiń barlyq áýejailarynda sheteldik jolaýshylar úshin ushyp kelý jáne ushyp ketýde qiyndyq týyndap otyr. Olardyń qatarynda ózge elderden Resei arqyly Qazaqstanǵa oralmaq bolǵan Qazaqstan azamattary bar.
Osy ýaqytqa deiin qazaqstandyq diplomattardyń járdemimen 105 azamat týǵan jerine oraldy. Degenmen, Resei áýejailaryna kelip jatqan qazaqstandyqtar áli de bar. Aitalyq, 30 naýryzǵa deiin reseilik áýejailarǵa shamamen 500 qazaqstandyq jolaýshy keletindigi kútiledi.
«Degenmen, mundai qiyn-qystaý sátterge qaramastan kóńil kóterýge de múmkindik tabylady. Máskeý áýejailarynda kúni-túni kezekshilik etip júrgen Qazaqstannyń Reseidegi Elshiliginiń qyzmetkerleri otandastaryn ystyq tamaqpen jáne sýmen ǵana qamtamasyz etip qoimai, olar úshin shaǵyn ǵana Naýryz merekesin uiymdastyryp berdi», - dep atap ótedi Elshilikten.
