Qazaqstan COVID-19 boiynsha jalpy álemdik reitingte 221 eldiń ishinde 109 orynda tur. Bul týraly búgin QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
Eýropa men Aziianyń keibir elderinde koronavirýs infektsiiasynyń ósimi burynǵydai jalǵasyp otyr. Búgingi kúni álemniń 221 elinde 104 375 866 jaǵdaiy tirkelgen. Aýrýdyń ósimi 0,4-ti quraidy. 2 262 093 adam qaitys boldy. Ólim kórsetkishi 2,2 paiyzdy qurap otyr. COVID-19 boiynsha jalpy álemdik reitingte 221 eldiń ishinde 109 orynda tur», - dedi ol Ortalyq kommýnikatsiialar qyzmetindegi baspasóz máslihatynda.
Vitse-ministrdiń dereginshe, Qazaqstanda 3 aqpandaǵy jaǵdai boiynsha COVID-19-dyń oń nátijesimen 190 359 jáne KVI- jaǵdaiymen 48 005 naýqas tirkelgen. Onyń ishinde «KVI+»-pen aýyrǵan 171 099, al «KVI-»-pen aýyrǵan 36 229 naýqas jazylyp shyqqan.
«Sońǵy táýlikte «KVI+»-tiń 1 228, al «KVI-»-tiń 107 jaǵdaiy tirkeldi. Qazirgi ýaqytta Qazaqstan Respýblikasy táýekel qalypty nemese «sary» aimaqta tur», - dedi Erlan Qiiasov.
