QR Ádilet ministri Marat Beketaev Qazaqstan Respýblikasy atynan Birikken Ulttar Uiymynyń mediatsiia nátijesinde qol jetkizilgen halyqaralyq tatýlasý kelisimderi týraly konventsiiasyna qol qoidy, dep habarlaidy "Ult aqparat" Ádilet ministrliginiń saityna silteme jasap.
Konventsiia BUU-nyń halyqaralyq saýda quqyǵy jónindegi komissiiasymen (UNCITRAL) ázirlengen jáne kommertsiialyq daýlardy mediatsiia jolymen retteý týraly kelisimderdi oryndaý úshin halyqaralyq rejimdi engizýge baǵyttalǵan.
Konventsiiaǵa qol qoiý rásimine 46 memleket qatysty, olardyń qatarynda Aýstraliia, Qytai, AQSh, Shveitsariia, Ońtústik Koreia, Japoniia jáne basqa elder bar.
«Postkeńestik keńistiktegi aziialyq aimaqtan Qazaqstan Respýblikasy Konventsiiaǵa qol qoiǵan birinshi memleket bolyp tabylady, bul osy aimaqta Qazaqstan kommertsiialyq daýlardy sheshýdiń damýy protsesinde kóshbasshy ekendiginiń taǵy bir dáleli.
Konventsiia mediatsiia jolymen rettelgen transshekaralyq kelisimderdiń oryndalýyn qamtamasyz etýdi kózdeidi, sondai-aq halyqaralyq kommertsiialyq daýlardy retteý jónindegi normativtik quqyqtyq bazany nyǵaitýǵa baǵyttalǵan», - delingen resmi aqparatta.
Osylaisha, Konventsiia sottardy tańdaý jónindegi kelisimder týraly Gaaga Konventsiiasyn jáne sheteldik tórelik sheshimderdi taný jáne oryndaý týraly Niý-Iork konventsiiasyn tolyqtyra otyryp, halyqaralyq daýlardy jeńildetilgen tártippen sheshýdi qamtamasyz etý sheńberindegi kemshilikterdi joiady.
