Bangkokte (Tailand) aiaqtalǵan bokstan Aziia chempionatynda qazaqstandyq bylǵary qolǵap sheberleri Tursynbai Qulahmet (75 kg) pen Bek Nurmaǵanbet (81 kg) altyn medal aldy. 26 sáýirde ótken finalda Qulahmet úndistandyq Ashim Kýmardy, Nurmaǵanbet filippindik Djon Nobel Marvindi jeńdi.
60 kelide bokstasqan qazaqstandyq Zakir Safiýllin finalda mońǵoliialyq Tsendbaatar Erdenebattan jeńilip, kúmis aldy. +91 kelide Qamshybek Qonqabaev ózbekstandyq Bahodir Jalolovtan utylyp, ekinshi oryn ielendi.
Qazaqstandyq úsh boksshy Temirtas Júsipov (48 kg), Sanatáli Toltaev (64 kg), Rio olimpiadasynda kúmis medal alǵan Vasilii Levit (91 kg) Aziia chempionatynyń qola júldegeri atandy. Qazaqstan Bangkok qalasyndaǵy jarysta 2 altyn, 2 kúmis, 3 qola ielendi.
Qazaqstan boks quramasy 2017 jylǵy Aziia birinshiliginde 1 altyn (Vasilii Levit chempion bolǵan), 3 kúmis, 4 qola medal alǵan edi. Bokstan kelesi Aziia chempionaty 2021 jyly ótedi. Jarysty qai qala uiymdastyratyny belgisiz.
