Sport jáne dene shynyqtyrý isteri komitetiniń tóraǵasy Serik Sápiev Tokio Olimpiadasynda Qazqastan boksshylarynyń jetistigine boljam jasady, dep habarlaidy QazAqparat.
«Bokstan júlde alýǵa áli de úmitimiz bar. Úsh-tórt medal alýǵa bolady. Endi Sáken Bibosynovtyń qarsylasy – Frantsiia boksshysy, ol óte myqty, odan ótse kelesi qarsylastarynyń deńgeii frantsiialyqtai bolmaidy. Sosyn Ábilhan Amanquldyń, Qamshybek Qońqabaevtyń jáne Zákir Safiýllinniń qasrylastary aitarlyqtai kóshbasshylar emes, olardy jeńýge bolady. Sol úshin qalǵan tórt boksshymyz tórt medal ákelýi de múmkin», - dedi boksshy Ortalyq kommýnikatsiialar qyzmetinde brifingte.
Aita keteiik, +91 keli salmaqta mysyrlyq boksshy Iýsri Rezk Mustafa Hafezdi aiqyn basymdyqpen utqan Qamshybek Qońqabaev Olimpiada oiyndarynyń shirek finalyna shyqty.
75 kelige deiingi salmaqta judyryqtasqan Ábilhan Amanqul ózbekstandyq Fanat Qahromonovpen kezdesip, Olimpiadany jeńispen bastady.
63 kelidegi Zákir Safiýllin perýlik Leodan Peso Saboiiany 5:0 esebimen jeńdi.
Sonymen birge, 52 kelidegi Sáken Bibosynov alǵashqy jekpe-jeginde Pýerto-Riko elinen kelgen Iankel Rivera Figeroany tize búktirdi. Ol endi 1/8 finalda frantsiialyq Bilal Bennammen qolǵap túiistiredi.
