Jańa marketing jyly Qazaqstan qansha tonna astyq eksportqa shyǵarady. Bul saýalǵa búgin QR Aýyl sharýashylyǵy ministri Saparhan Omarov jaýap berdi, dep habarlaidy "Ult aqparat".
«Qazaqstan qazirgi ýaqytta 5 mln tonna astyqty eksportqa jiberdi. Biyl taǵy 8 mln tonna astyq eksporttaýdy josparlap otyrmyz. Menińshe, kelesi jyly da eksport kólemi osy deńgeide saqtalatyn bolady», - dedi ministri Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Onyń atap ótýinshe, byltyr elimizde 20,1 mln tonna astyq bastyryldy. Biyl da sol mólsherde astyq túsimi bolady degen boljam bar.
«Kóktemgi egistik jumystary kúni keshe ǵana tolyǵymen aiaqtaldy. Alda jaz mezgili bar. Egistik alqaptaryn himiialyq óńdeýden de ótkizýimiz kerek. Sondyqtan boljam jasaýǵa áli erte dep oilaimyn. Degenmen, biylǵy astyq túsimi ótken jyldardaǵy deńgeide saqtalady dep úmittenemin», - dedi Saparhan Omarov.
