Búgin, 28 sáýirde fýtboldan Premer-liga komandalary arasyndaǵy el birinshiliginiń cegizinshi týrynyń alǵashqy oiyny aiaqtaldy, dep habarlaidy "Ult aqparat".
Úzdik úshtikte kele jatqan Qostanaidyń «Tobyly» oilamaǵan jerden syrt alańda Aqtaýdyń «Kaspii» klýbyna 1:2 esebimen ese jiberdi.
Birinshi kezeńde aqtaýlyq klýb sapynan David Karaev 31-minýtta esep ashqan edi. Odan keiin áriptesi Nikola Tsýtskich 72-minýtta esepti ústemelei tústi. Oǵan 95-minýtta «Tobyl» sapynan Oralhan Ómirtaev bir golmen jaýapp qaiyrdy.
Dál qazir elordada «Astana» men Oraldyń «Aqjaiyǵy» arasyndaǵy kezdesýdiń birinshi kezeńi ótip jatyr. Ázirge alań ieleri 1:0 esebimen basym túsýde.
Sondai-aq, búgin «Taraz» ben «Aqtóbe», «Turan» (Túrkistan) men «Atyraý» arasynda kezdesedi.
Al 29 sáýirde «Jetisý» (Taldyqorǵan) men «Shahter» (Qaraǵandy), «Qairat» (Almaty) pen «Ordabasy» (Shymkent), «Qaisar» (Qyzylorda) men «Qyzyljar» (Petropavl) komandalary sheberlik baiqasady.
